Sherzat Bolattyń ólimine qatysty tergeý aıaqtaldy

Foto: skrın

Talǵardaǵy Sherzat Bolattyń ólimine qatysty tergeý aıaqtaldy. Taraptar qylmystyq is materıaldarymen tanysty. Bul týraly Almaty oblysynyń polıııa departamenti málimdedi, dep habarlaıdy qandastar.kz

Oblystyq polıııa departamentiniń Instagram paraqshasynda habarlanǵandaı, is prokýrorǵa joldandy.

«Kámeletke tolmaǵan balany óltirý faktisi boıynsha ótken jyldyń 4 qazanyna qaraǵan túni bolǵan qylmysty tergeý aıaqtaldy. Taraptar qylmystyq is materıaldarymen tolyq tanysty, is sotqa jiberý úshin prokýrorǵa joldandy. Tergeý barysynda 40 sot saraptamasy júrgizildi, shamamen 200 kýágerden jaýap alyndy, barlyq kúdiktiniń oqıǵa ornynda aıtqan jaýaptary tekserildi, proess qatysýshylary arasynda bettestirýler ótkizildi, sondaı-aq qylmystyń barlyq mán-jaıyn anyqtaýǵa baǵyttalǵan ózge de tergeý áreketteri júzege asyryldy. Qylmysqa qatysýshylardyń barlyǵyna quqyqtyq baǵa bere otyryp, 8 beınematerıal zertteldi. Qylmystyq is 62 tomnan turady, onyń ishinde barlyq jınalǵan dáleldeme, saraptama qorytyndylary, jaýap alý hattamalary jáne basqa da mańyzdy materıaldar bar. Árbir tergeý áreketi qylmystyq zańnama talaptaryna sáıkes júrgizildi, tergeýdiń barlyq kezeńinde zańdylyq, ashyqtyq jáne obektıvtilik qamtamasyz etildi. Tergeýdiń barysy jáne proess qatysýshylarynyń konstıtýııalyq quqyqtarynyń saqtalýy prokýratýra organdarynyń baqylaýynda boldy», — delingen habarlamada.