Sherzat Bolattyń otbasyna jańa baspana beriletin boldy

Foto: BAQ.KZ

Talǵardaǵy tóbeleste qaza bolǵan jasóspirim Sherzat Bolattyń otbasy jýyrda baspanaly bolady, dep habarlaıdy qandastar.kz

Jaǵymdy jańalyqpen advokat Meıirman Shekeev bólisti.

Aıtýynsha, ıgi isti jeke kásipker demeýshilik etken.

Asqar esimdi azamat Qarjaýbaıdyń úıin salysyp jatqanyn jarııalaǵysy kelmegen. Al Almaty oblysy ákimdigi osy qurylysty barynsha qadaǵalap, qujattaryn rásimdep, aıaǵyna deıin jetkizip berýge ýáde berdi, — dep aǵynan jaryldy Meıirman Shekeev.

BAQ.KZ tilshisi jazǵandaı, úıdiń qurylysy qazan aıynyń ortasyna deıin aıaqtalady dep josparlanyp otyr.

Eske salaıyq, 2024 jyly 4 qazanda túnde Talǵarda jasóspirim qaza tapqan bolatyn. Belgili bolǵandaı, 16 jastaǵy Sherzat Bolat satyp alýshymen arada shıelenis týyndaǵan kezde ákesiniń dúkeninde oǵan kómektesip jatqan.

Qaıǵyly oqıǵadan keıin arada bir apta ótkende Sherzattyń úıi órtenip ketti.