Sherzat isi: Qarjaýbaı Nurymovtyń qaryndasy sońǵy jaıttarmen bólisti

Foto: ashyq derekkóz

9 jeltoqsanda marqum Sherzat Polattyń aǵasy Nurqanat Ǵaıypbaevtyń máıiti Talǵar qalasynyń shetinen tabyldy. Al 10 jeltoqsanda ashynǵan Qarjaýbaı Nurymov qolyna pyshaq ustap, jýrnalısterdiń kelýin talap etti. Ertesine ol “Buzaqylyq” baby boıynsha sottalyp, 15 kúnge qamaýǵa alyndy. Qarjaýbaı Nurymovtyń qaryndasy otbasynyń qazirgi jaǵdaıy men inisiniń qaza bolǵan kúni qandaı kúıde bolǵanyn jetkizdi. Bul týraly qandastar.kz aqparat agenttigi Qazaq AIRAN YouTube-arnasyna silteme jasap habarlaıdy.

Perızat Nurymovanyń sózinshe, 10 jeltoqsan kúni aǵasy Qarjaýbaı jýrnalıster men ákimniń kelýin talap etken.

“Halyq jınalyp mıtıng uıymdastyrsyn, qantógis bolsyn, dep aıtqan joqpyz. Tek 1 saǵat bersin, adamdar kelip úlgerse eken degen nıet boldy. Oqıǵa ornyna birinshi qara kıimdi Arnaıy jedel áreket etý jasaǵy keldi. Ekinshi polıııa kelip mashınany qorshap turdy. Úshinshi áskerı kıimmen taǵy adamdar kelip, Qarjaýbaı men sińlim Saltanatty túsirgisi keldi. Sol sátte joldasym zııany tıip ketpesin dep kólikke minip, Saltanatty soqqydan qorǵap turdy. Sosyn áskerıler ony da uryp-soǵyp, kólikke salyp alyp ketti. Jaı ǵana basyp alyp ketpedi, kólikten súırep túsirip, uryp, esinen tanyp, qaıta oıanǵan soń, baskıimin betine deıin tartyp, ári qaraı basynan tómpeshtep ura bergen“, – deıdi Nurymova.

Sondaı-aq Perızat Nurymova inisi Nurqanat Ǵaıypbaevtyń óz-ózine qol salǵanyna senbeıtinin jetkizdi.

“Nurqanattyń jubaıy bar. Úılengenine bir jyl boldy. Ekeýi balaly bolý úshin em qabyldap júrgen edi. Balam bolsyn dep júrgen adam óz-ózine qol salýy múmkin emes. Sol kúni Nurqanatty uzaq izdedik. Túngi 23:30-dan bastap joldasym ekeýimiz Sherzattyń beıitine 4-5 ret bardyq. Alaıda ol jerden kóligin kórmedik. Bir ýaqytta úıdi kúzetip turatyn Dastan esimdi jigit júgirip kelip, Qarjaýbaıdyń qulaǵyna birdeńe aıtty. Sosyn aǵam birden kóligine otyryp, beıit jaqqa qaraı bardy. Beıitke 50-60 metrdeı qalǵan jerde Qarjaýbaı aıtqan aq KIA kóligi týra kóz aldymyzda ótti. Sosyn Dastannan bul kim, dep suraǵan edik, “ózimizdiń Ishki ister departamentiniń adamdary ǵoı” dep jaýap berdi. Biz joǵaryǵa kóterilip jatqanda aq KIA kóligi tómenge qaraı tústi. Olar qalaı Nurqanatty tappady. Nege ketip qalmaı, bizge qosylyp izdemedi, degen suraqtar týyndaıdy”, – deıdi Nurymova.

Perızat Nurymova qaıǵyly oqıǵa bolǵan kúni baýyry Nurqanatty qandaı kúıde taýyp alǵanyn aıtty.

“Eki kún boıy sóılemeı júrdim. Sóıleıtin shamam bolmady. Sebebi sharshadym. Erteń ne bolady, kelesi kim, degen suraqtar mazalady. Baýyrymnyń denesin bir saǵat qushaqtap otyrdym. Jedel járdem kelgen joq. Polıııa qyzmetkerleri de bir saǵattyń arasynda keldi. Nurqanatty asyp ketken keıipte ǵana taýyp aldyq. Ol asylyp turǵan joq. Adam tike asylyp tursa bir sári, ol tizerlep, aıaqtary búgilip turdy. Adam bulaı asylyp qalmaıdy. Asylsa moınynda sheńber sııaqty iz qalýy kerek. Onyń bir jaǵynda ǵana iz bar. Onyń janynda jara bar. Arqasynda isingen, kógergen jerleri bar”, – deıdi Nurymova.

Perızat Nurymova inisi Sherzattyń qazasynan soń túrli qoqan-loqy men qorqytýǵa tap bolǵandaryn aıtty.

“Sherzat qaza bolǵan soń jetisinde úıdi órtep ketti. Úıdi ózderiń órtedińder dedi. Qazir bárimizdiń basymyz qosylyp Nurqanatqa quran baǵyshtaýǵa múmkindik bermeı jatyr. Sherzat qaıtqan soń kóptegen qoqan-loqy boldy. Baqytqa “Nurqanatty óltirip ketemiz. Kelesi kezekte Nurqanat tur” degen qorqytý boldy. Naqty kim jazǵanyn bilmeımiz. Bastapqyda advokat jaldaýǵa aqsha jınaý úshin TikTok jelisine Baqyttyń nómirin shyǵarǵan edik. Sodan keıin onyń Whats’App-yna qorqytatyn habarlama qaldyrǵan. Ol habarlamanyń skrınshotyn jasap, qorǵaýshylarymyzǵa jiberdik. Sol kezde esimde qalǵany “Kelesi kezekte Nurqanat” degen habarlama”, – deıdi Nurymova.