شەرزات ىسىندەگى پروكۋرور حابارلاما جاسادى

شەرزات پولات ءىسى بويىنشا مەملەكەتتىك ايىپتاۋشى دانا سارسەنباي الەۋمەتتىك جەلىدەگى پاراقشاسىندا قازاقستاندىقتارعا ۇندەۋ جولدادى, دەپ حابارلايدى qandastar.kz

پروكۋروردىڭ ايتۋىنشا, الەۋمەتتىك جەلىلەردە ءوزىنىڭ اتىن, قىزمەتىن جانە فوتوسۋرەتتەرىن زاڭسىز پايدالانىپ, جالعان اككاۋنتتار اشىلىپ جاتقان كورىنەدى.

“وسىعان بايلانىستى بەينەۇندەۋ جاساۋدى قاجەت دەپ سانايمىن. مەنىڭ Instagram الەۋمەتتىك جەلىدەگى جالعىز اككاۋنتىم – @s.d.n__. پاراقشا تەك وتباسىم مەن جاقىندارىممەن بايلانىس ورناتۋ ءۇشىن عانا قۇرىلعان. بۇل پاراقشادا ەشقانداي رەسمي جاريالانىم, پىكىر نەمەسە كاسىبي سيپاتتاعى اقپارات جاريالانبايدى. مەنىڭ اتىمنان اشىلعان باسقا بارلىق پاراقشالار – جالعان”,  – دەيدى پروكۋرور.

دانا سارسەنباي ءوزىنىڭ اتىنان اشىلعان جالعان پاراقشالاردا تۇرلى بلوگەرلەرگە جازىلۋعا شاقىرۋلار, جالعان ساۋالنامالار مەن سىلتەمەلەر, سىيلىقتار مەن ۇتىس ويىندارى, قىلمىستىق ىسكە قاتىسى بارداي كورسەتىلگەن جالعان مالىمەتتەر تاراتىلىپ جاتقانىن مالىمدەدى.

پروكۋرور ازاماتتاردى ساق بولۋعا, جالعان اقپاراتقا سەنبەۋگە جانە تاراتپاۋعا شاقىردى.