Sherzat ólimi boıynsha iste advokattar prokýrordy aýystyrýdy surady: Sýdıa ótinishti qanaǵattandyrmady

Tikeleı efırden skrınshot

Sherzat Polattyń ólimi boıynsha qylmystyq iste sottalýshylar memlekettik aıyptaýshyny isten shettetýdi surady, dep jazdy qandastar.kz

 Bul týraly Stan.kz aqparat agenttigi habarlaıdy.

Aıyptalýshylardyń advokattary biraýyzdan prokýror Dana Sársenbaıdyń qyzmetine rıza emes. Sózderinshe, memlekettik aıyptaýshy sottalýshyny shatastyryp, qysym kórsetip jatyr. Onyń ústine kásibı biliktiligimen isti zerdelemegen deıdi advokattar.

“Prokýror emoııaǵa berilip jatyr. Oǵan deıin memlekettik aıyptaýshyǵa eskertý jasaldy. Prokýror “jábirlenýshilermen bir jaqpyz” deıdi. Biraq memlekettik aıyptaýshy teńdeı qaraýy kerek, eki jaqqa da jaqtaspaýy kerek”, – dedi sottalýshynyń advokaty.

Biraq Dana Sársenbaı advokattardyń narazylyqtary prokýrordy aýystyrýǵa negiz emes dep sanaıdy.

Jábirlenýshilerdiń advokattary “aýystyrýdyń qajeti joq” dep, Dana Sársenbaıdy qaldyrýdy surady.

Sot aıyptalýshylardyń prokýrordy aýystyrý týraly ótinishin qanaǵattandyrǵan joq.

“Sársenbaıdyń sotqa qatysty múddeliligi anyqtalǵan joq. Sol sebepti memlekettik aıyptaýshyǵa qarsylyq bildirýge negiz joq”, – dedi sýdıa.

Sýdıa Dana Sársenbaıdyń vıdeo týraly suratýyn isti zerdelemegen dep tanýǵa kelmeıtinin aıtty.

Eske salaıyq, 2024 jyly 4 qazanǵa qaraǵan túni Talǵarda 16 jastaǵy Sherzat Polat qaza tapqan edi. Onyń ólimi qoǵamda úlken narazylyq týdyrdy. Marqumnyń ákesi týystarymen jáne jergilikti turǵyndarmen birge ádil tergeý júrgizýdi talap etip, narazylyq uıymdastyrdy. Birneshe kúnnen keıin, 12 qazanǵa qaraǵan túni Nurymovtar otbasynyń úıi tolyǵymen órtenip ketti. Bas prokýratýra órttiń qasaqana jasalǵanyn málimdedi. Alaıda úıdi órtegen kúdiktiler áli kúnge tabylǵan joq.