Sherzat ólimi boıynsha jábirlenýshilerdiń advokaty taǵylǵan aıyppen jartylaı kelispeıdi

Foto: skrın

Sherzat Polattyń ólimine qatysty is boıynsha jábirlenýshilerdiń múddesin qorǵaǵan advokat Meıirman Shekeev sot otyrysy aıaqtalǵansha qylmystyq istiń jaı-japsaryn jarııa ete almaıtynyn málimdedi, dep jazdy qandastar.kz

 Bul týraly Stan.kz aqparat agenttigi habarlaıdy.

Advokat qorǵaýshylar toby aıyptaýshy taraptyń bir ustanymymen kelispeıtinin aıtty, olar sot otyrysynda óz ustanymyn bildirýdi josparlap otyr.

«Aıyptaý qorytyndysynyń bir pozıııasymen kelispeımiz, óz pikirimizdi sotta aıtamyz. Basqa aıyptalýshylarǵa taǵylǵan basqa aıyptarmen kelisemiz», – dedi advokat.

Shekeev bastapqyda bul iske 13 adam kúdikti bolyp, keıin ekeýi alyp tastalǵanyn aıtty.

«Bastapqyda 13 adam kúdikke ilindi. Ekeýiniń qatysy bolmaǵannan keıin kúdiktilerdiń qatarynan shyǵarylǵan. Sondaı-aq eki qyz tek kýá retinde suralǵan, buzaqylyqqa qatysy joq dedi. Aıyptaý aktisin burynǵy advokattar kelisken. Biz jańa toppyz. Is materıaldary boıynsha ashyp eshteńe aıtyp bere almaımyz. Eki azamat – Shynasyl Abzal men Ravıl Sakıevke aýyr aıyp taǵyldy. Qalǵandaryna buzaqylyq baby boıynsha aıyp taǵyldy», – dedi Shekeev.

Eske salsaq, 2024 jyly 4 qazanǵa qaraǵan túni Talǵarda 16 jastaǵy Sherzat Polat qaza tapqan edi. Onyń ólimi qoǵamda úlken narazylyq týdyrdy. Marqumnyń ákesi týystarymen jáne jergilikti turǵyndarmen birge ádil tergeý júrgizýdi talap etip, narazylyq uıymdastyrdy.

Búgin Sherzat Polattyń isi boıynsha 9 sottalýshy sot zalyna ákelingeni aıtyldy. Prokýror aıyptaý aktisin oqyp, aıyptalýshylardyń qylmys ornynda jábirlenýshiniń sol jaq júrek tusynan pyshaq suǵyp, myltyqpen urǵanyn aıtty.