شەرزات ءولىمى: سوتتالعانداردىڭ ءبىرى بوستاندىققا شىعىپ كەتتى

شەكەەۆ شەرزات ءىسى بويىنشا سوتتالۋشىلاردىڭ ءبىرى بوستاندىققا شىققانىن مالىمدەدى, دەپ حابارلايدى Qandastar.kz Skifnews.kz اقپارات پورتالىنا سىلتەمە جاساپ. 

مەيىرمان شەكەەۆتىڭ سوزىنشە, شەرزات ءىسى بويىنشا اپەللياتسيالىق سوت 18 تامىزدا ساعات 11:00-دە الماتى وبلىسى سوتىنىڭ عيماراتىندا وتەدى.

— سونىمەن قاتار, دۋمان ىسقاق ءبىرىنشى ساتىداعى ۇكىمدەگى جازانى وتەپ قويعاندىقتان الماتى وبلىستىق سوتىنىڭ قىلمىستىق ىستەر جونىندەگى سوت القاسىنىڭ سۋدياسى مۇسابەكوۆانىڭ 2025 جىلعى 23 شىلدەدەگى سوت قاۋلىسىمەن بۇلتارتپاۋ شاراسى جويىلىپ, قاماۋدان بوساتىلدى, – دەيدى شەكەەۆ. 

ءبىر توپ قىلمىسكەرلەردىڭ قولىنان ءۇيىنىڭ الدىندا مەرت بولعان شەرزاتتىڭ ىسىنە 5 ماۋسىمدا نۇكتە قويىلعان ەدى. تالعارلىق باندىلاردىڭ ارەكەتى قوعامدا ۇلكەن داۋ تۋعىزدى. جارتى جىلعا سوزىلعان داۋ-دامايدان كەيىن كىنالىلەر ۇزاق جىلدارعا سوتتالدى. سوتتا تورەلىك ەتكەن سۋديا ەرجان جانۇزاقوۆتىڭ ۇكىمىمەن:

ابزال شىناسىل 23 جىلعا سوتتالدى. 

راۆيل ساكيەۆ 20 جىل, 

شىڭعىس بەلعوجاەۆ 7 جىل,

دارحان اسكەنتاي 7 جىل, 

نۇرقياس ءىلياسوۆ 9 جىل (بۇرىنعى 2,5 جىلعا شەكتەۋ جازاسىن قوسقاندا); 

نۇربول توقتاۋباەۆ 7 جىل, 

ازامات توقتاۋباەۆ 15 جىل (بۇرىنعى جازاسىن بىرگە قوسقاندا), 

ديدار قالياحمەت 7 جىلعا,

كامەلەتتىك جاسقا تولماعان دۋمان ىسقاق قىلمىستىق كودەكستىڭ  434-باپ (اۋىر قىلمىس جاسالعانىن حابارلاماۋ) 1,5 جىلعا سوتتالدى.

ونىڭ يزولياتورداعى ءبىر كۇنى ەكى كۇن رەتىندە ەسەپتەلەتىن بولدى.