جاڭالىقتار
شەرزات ولىمىنە قاتىستى سوتتالعانداردىڭ تۋىستارى پرەزيدەنتكە ۇندەۋ جولدادى
تالعارداعى 16 جاستاعى شەرزات پولاتتىڭ قازاسىنا قاتىستى سوتتالعانداردىڭ جاقىندارى قاسىم-جومارت توقاەۆتان كومەك سۇرادى. ولار شەرزاتتىڭ اكەسى قارجاۋبايدىڭ دا جازالانعانىن تالاپ ەتىپ وتىر, دەپ حابارلايدى Qandastar.kz اقپارات پورتالى.
“شەرزات پولات قايتىس بولعاننان كەيىن جابىرلەنۋشى تاراپ بىردەن جاقسى ويلاستىرىلعان جانە جوسپارلانعان ارەكەتتەرگە كوشتى. ءوز ماقساتتارىنا جەتۋ ءۇشىن ولار ءتۇرلى قۇرالداردى, اتاپ ايتقاندا, الەۋمەتتىك جەلى, تىيىم سالىنعان پسيحولوگيالىق تاسىلدەردى پايدالاندى, ءتىپتى كەيدە اشىق ارانداتۋشىلىققا دا باردى. بىرنەشە رەت تارتىپسىزدىككە شاقىردى, جالعان اقپارات تاراتىلدى, پىشاق ۇستاعان ادام قاھارمان بولىپ كورسەتىلدى. مارقۇم شەرزاتتىڭ اكەسى قارجاۋباي نۇرىموۆ سول قايعىلى وقيعا بولعان ءتۇنى ەكى رەت پىشاقپەن ادامدارعا شابۋىل جاسادى”, – دەدى ءوزىن باۋىرجان دەپ تانىستىرعان ۆيدەوداعى ەر ادام.
ۇندەۋدە ولار توقاەۆتان باس پروكۋراتۋرا مەن ۇلتتىق قاۋىپسىزدىك كوميتەتىنە جابىرلەنۋشى تاراپتىڭ ارەكەتتەرىن تولىق ءارى مۇقيات تەكسەرۋدى تاپسىرما بەرۋدى سۇرادى.
“قازاقستان حالقى بەيبىتشىلىك پەن تىنىشتىقتا ءومىر سۇرگىسى كەلەدى. سونىمەن قاتار قازاقستان حالقى ادىلدىكتى قالايدى جانە ءتىپتى تالاپ ەتەدى”, – دەدى ولار.
