Sherzat ólimine qatysty sottalǵandardyń týystary Prezıdentke úndeý joldady

Talǵardaǵy 16 jastaǵy Sherzat Polattyń qazasyna qatysty sottalǵandardyń jaqyndary Qasym-Jomart Toqaevtan kómek surady. Olar Sherzattyń ákesi Qarjaýbaıdyń da jazalanǵanyn talap etip otyr, dep habarlaıdy Qandastar.kz aqparat portaly. 

“Sherzat Polat qaıtys bolǵannan keıin jábirlenýshi tarap birden jaqsy oılastyrylǵan jáne josparlanǵan áreketterge kóshti. О́z maqsattaryna jetý úshin olar túrli quraldardy, atap aıtqanda, áleýmettik jeli, tyıym salynǵan psıhologııalyq tásilderdi paıdalandy, tipti keıde ashyq arandatýshylyqqa da bardy. Birneshe ret tártipsizdikke shaqyrdy, jalǵan aqparat taratyldy, pyshaq ustaǵan adam qaharman bolyp kórsetildi. Marqum Sherzattyń ákesi Qarjaýbaı Nurymov sol qaıǵyly oqıǵa bolǵan túni eki ret pyshaqpen adamdarǵa shabýyl jasady”, – dedi ózin Baýyrjan dep tanystyrǵan vıdeodaǵy er adam.

Úndeýde olar Toqaevtan Bas prokýratýra men Ulttyq qaýipsizdik komıtetine jábirlenýshi taraptyń áreketterin tolyq ári muqııat tekserýdi tapsyrma berýdi surady.

“Qazaqstan halqy beıbitshilik pen tynyshtyqta ómir súrgisi keledi. Sonymen qatar Qazaqstan halqy ádildikti qalaıdy jáne tipti talap etedi”, – dedi olar.