جاڭالىقتار
شەرزات پولات ءىسى بويىنشا باستى سوت وتىرىسى وتۋدە
فوتو:qaz365.kz
بۇگىن جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا شەرزات پولاتتىڭ ولىمىنە قاتىستى باستى سوت پروتسەسى باستالدى, 16 جاستاعى ءجاسوسپىرىمنىڭ قازاسىنا سەبەپ بولعان وقيعا قوعامدا ۇلكەن رەزونانس تۋدىرعان ەدى, دەپ حابارلايدى qandastar.kz
تەرگەۋ بارىسىندا ايىپتالۋشىلارعا بىرنەشە باپ بويىنشا ايىپ تاعىلدى. پروكۋرور سوتتا قايعىلى وقيعانىڭ تولىق حرونولوگياسىن بايانداپ بەردى.
2024 جىلدىڭ 4 قازانىندا بولعان توبەلەس سالدارىنان شەرزات كوز جۇمعان. بۇل جاعداي جەرگىلىكتى تۇرعىنداردىڭ نارازىلىعىنا ۇلاسقان بولاتىن.
2024 جىلدىڭ 12 قازانىندا قارالى وتباسىنىڭ ءۇيى ورتكە ورانىپ, الماتى وبلىسىنىڭ پوليتسياسى بۇل ىسكە «بوتەن م ۇلىكتى قاساقانا جويۋ» بابى بويىنشا تەرگەۋ باستاعان.
وسىدان كەيىن, جەلتوقسان ايىندا شەرزاتتىڭ اعاسىنىڭ تالعار ماڭىنان ءمايىتى تابىلدى. قازىر تەرگەۋ بارىسىندا 40 سوت ساراپتاماسى جۇرگىزىلىپ, 200-گە جۋىق كۋاگەردەن جاۋاپ الىنعان.
