Sherzat Polat isindegi Dıdar Qalıahmettiń áıeli Talǵar turǵyndaryn qaryzǵa batyrǵan

Kollaj: Turkystan.kz

Talǵar qalasynyń turǵyndary jýrnalıst Rýslan О́tepbaıǵa júginip, 25 jastaǵy Balaýsa Erkinqyzynyń ústinen aryz túsirgen, dep habarlaıdy qandastar.kz

Balaýsa Erkinqyzy – Sherzat Polat ólimine qatysty iste 7 jylǵa bas bostandyǵynan aıyrylǵan Dıdar Qalıahmettiń kelinshegi. Olardyń ortaq bir ul, bir qyzy bar.

«4 aı buryn Balaýsa Erkinqyzyna 2 mln teńge kredıt alyp bergenmin. Úsh aıda jaýyp tastaımyn degen sózine sendim. Biraq kredıtti jappaq túgili aı saıynǵy tólemin tólemeıdi. Qazir kredıtti ózim tólep jatyrmyn. Tórt balam bar. Balamen dekrette otyrǵan kezde kıim satatynmyn. Balaýsa sol kezderi qaryzǵa kıim alyp, keıin aqshasyn tólep turatyn. Byltyr da bir kredıt alyp bergenmin. Ony ózi jaýyp tastady. Solaı senimge kirgen. Araǵa jarty jyl salyp «qaıtadan alyp berińizshi» degennen keıin senip, 2 mln teńge alyp berdim. Qazir aıyna 170 myńnan ózim tólep jatyrmyn. Biraq men onyń Dıdar Qalıahmettiń áıeli ekenin bilgen joqpyn. Dıdardyń sotynda tıktokqa shyǵa bastaǵannan keıin bildim. О́zi osy Talǵarda ata-enesimen, ıaǵnı Dıdardyń áke-sheshesimen turady. Oǵan aldanǵan, ózim naqty biletin on shaqty adam bar. Odan bólek syrttan, Kegen jaqtan aldanǵan bes-alty adam bar dep estidim. Balaýsa ózi Kegen jaqtyń qyzy», — deıdi Balaýsa esimdi jábirlenýshi.

turkystan.kz jazǵandaı, 23 jastaǵy Daryn esimdi jábirlenýshi de Balaýsa Erkinqyzyna biraz aqsha bergen.

«Balaýsamen buryn bir jerde jumys istegenbiz. Sol jerden tanyspyz. Oǵan BankentrKredıtten 2 mln 68 myń teńge alyp berdim. Halyq bankten 1,5 mln teńge bólip tóleýge alyp berdim. Odan bólek ózim 2,5 mln teńge berdim. Kredıtterdi alty aıda jaýyp beremin degen. Qazir nesıeni ózim tólep jatyrmyn. Aıyna 240 myń tóleımin», — deıdi Daryn.

Rýslan О́tepbaı men jábirlenýshiler Balaýsanyń ata-enesiniń úıine de barǵan. Biraq qaıyn jurty kelinderi jaıly mardymdy málimet bermegen.

«Balaýsanyń bizge kelin bolǵanyna bes jyl boldy.  Dıdardyń sotynan keıin tórkinine ketken. Balalar bizde. Apta saıyn balalaryna kelip turady», — deıdi olar.

Tolyq nusqasyna gıpersilteme berýdi umytpańyz: https://turkystan.kz/article/265106-serzat-polat-isindegi-didar-qaliaxmettin-aieli-talgar-turgyndaryn-qaryzga-batyrgan