Sherzat Polattyń ápkesi Perızat Nurymova úıli boldy

Foto:vıdeodan skrın

Marqum Sherzat Polattyń ápkesi Perızat Nurymovanyń otbasy baspanaly boldy. Olar qazaqstandyqtarǵa alǵys bildirdi, dep habarlaıdy  qandastar.kz

Súıinshi jańalyqty belsendi Dinmuhamed Qamataı áleýmettik jelidegi paraqshasynda jazdy.

«Sherzattyń baýyry Perızattyń qaıǵyly jaǵdaıdan keıin otbasy qıyn kezeńdi bastan ótkerdi. Qaýipsizdik máselesi barlyǵymyzdy alańdatty. Osyǵan baılanysty biz olarǵa qoldaý kórsetý úshin jańa úı satyp aldyq.

Bul úı tek baspana ǵana emes, ol – jańa ómirdiń bastaýy. Alty balanyń batyr anasy Perızattyń qoldaýy bolǵan sizder. Bul qadam olar úshin jaı ǵana baspana emes, bolashaqqa degen senim men jańa ómirge qadam basýǵa múmkindik beredi.

Qoǵamdyq birliktiń mańyzdylyǵyn kórsetý úshin, osyndaı jaǵdaıda qoldaý kórsetý árqaısymyz úshin mańyzdy. Biz Perızattyń otbasyna qıyn sátte kómek kórsetip, olardy jalǵyz qaldyrmaıtynymyzdy bildirgimiz keledi. Bul bastamany qoldaǵan barlyq janashyrlarǵa alǵys aıtamyz!», — dedi Dinmuhamed Qamataı.

Perızat Nurymova da ıgi iske muryndyq bolǵan qazaqstandyqtarǵa alǵys bildirdi.

«Barsha halqyma alǵysym sheksiz. Úles qosyp, bizge kómektesken janashyr halqyma alǵys aıtamyn», — dedi Sherzattyń ápkesi.