جاڭالىقتار
شەرزات پولاتتىڭ اتا-اناسى سوت وتىرىسىنا قاتىسقان جوق
فوتو: ۆيدەودان سكرين
تالدىقورعاندا 16 جاستاعى شەرزات پولاتتىڭ قازا بولۋىنا قاتىستى ءىس بويىنشا سوت جالعاسىپ جاتىر. كەزەكتى سوت وتىرىسىنا مارقۇمنىڭ اتا-اناسى كەلمەدى. بۇل تۋرالى Stan.kz اقپارات اگەنتتىگى حابارلايدى.
سۋديانىڭ رۇقساتىمەن سوت وتىرسىنا مارقۇمنىڭ اتا-اناسى كەلمەدى.
«سۋديانىڭ رۇقساتىمەن جابىرلەنۋشىلەر سوتقا قاتىسپادى», – دەدى حاتشى.
حاتشىنىڭ ايتۋىنشا, جابىرلەنۋشىلەردىڭ ورنىنا ادۆوكاتتار, دوساەۆا جانە اجىعاليەۆا قاتىسادى.
ەسكە سالايىق, بۇعان دەيىن شەرزات پولات 2024 جىلدىڭ 4 قازانىنا قاراعان ءتۇنى كوز جۇمدى.
وقيعانىڭ كەڭ رەزونانس تۋدىرۋىنا قاقتىعىستىڭ «سىرا قۇتىسىنا» بولا باستالعانى سەبەپ بولدى. سوت ون كۇدىكتىنى قاماۋعا الدى. العاشقى تىڭداۋ 10 ساۋىردە تالدىقورعان سوتىندا ءوتتى. سوت وتىرىسىنان Stan.kz اقپارات اگەنتتىگى ترانسلياتسيا جۇرگىزدى.
وتكەن سوت وتىرىسىندا ىستە ەكى كۋاگەر ايەل بار, سونىڭ ءبىرى ەلميرا نۇربەكوۆا. ول سوتتالۋشىلاردى وقيعاعا دەيىن ەكى كۇن بۇرىن عانا تانىعانىن ايتتى. 3 قازاندا قۇربىسى دانا ەكەۋى ءراۆيلدىڭ شاقىرۋىمەن «ەيفوريا» كافەسىنە بارعان. ول جەردە نۇرقياس, راۆيل جانە تاعى بىرنەشە جىگىت بولعان. ءبىراز ۋاقىتتان كەيىن كافە جابىلعان سوڭ, ولار بىرگە كولىكپەن دۇكەنگە بارعان. دۇكەن الدىندا ءبىر ەر ادامنىڭ قارۋ شىعارىپ, وق اتقانىن, كەيىن توبەلەس باستالعانىن كۋاگەر باياندادى. نۇربەكوۆا قورىققاندىقتان جەدەل جاردەم شاقىرا الماعانىن, بىراق ءبىر ايەلدەن كومەك سۇراعانىن جەتكىزدى. كەيىن ولار كولىككە ءمىنىپ, بەلگىسىز جاققا بەت العان. جولدا پوليتسيا ولاردى توقتاتقان.
