Sherzat Polattyń isi: Kúdiktilerdiń týystary Qarjaýbaı Nurymovty qamaýǵa alýdy surady

Foto: skrın

16 jastaǵy Sherzat Polattyń ólimine qatysty aıyptalǵandardyń týystary marqumnyń ákesi Qarjaýbaı Nurymovty qamaýǵa alýdy talap etti, dep habarlaıdy qandastar.kz

Is boıynsha aıyptalýshylardyń týystarynyń vıdeosy jarııalandy. Olar jábirlenýshi men aıyptalýshy taraptar teń jaǵdaıda bolýy tıis ekenin aıtady.

“Eki qyz baıqus. Jas balaǵa ne joq ana jerde.Ol otyr. Qasynan ótip bara jatqan balalardy da aparyp qamap qoıǵan. Sonda nege Qarjaýbaı qamalmaıdy. Nege biz jaq qamala beredi. Bastaǵan Qarjaýbaılar. Dostaryn shaqyrǵan, ishimdik satqan solar. Uryp otyrǵan sonyń balasy. Bizden eshkim eshkimdi urmaǵan. О́zderinen bastalyp, ózderinen shyǵyp otyrǵan nárse. Sony jóndep qaraýdyń ornyna bizdi kinálap, balalarymyzdy jeksuryn qylyp, uıymdasqan top, Hýtor brıgadasy dep aıyp taqty. Brıgada degen arnaıy bólim. Bile bilseńizder bul jerde bes brıgada bar. Rysqulov aýylynyń óziniń bólinisi sondaı. Meniń aıtarym osy. Durys túsinińizder, eshkim artyq ketpesin. Qazaq eli túsinetin shyǵar. Eki jaqty birdeı kórsin. Sottan adaldyq suraımyz”, – delingen vıdeoda.