Sherzat Polattyń naqty neden kóz jumǵany belgili boldy

Foto:Orda.kz

Taldyqorǵanda ótip jatqan atyshýly sot otyrysynda Sherzat Polattyń ólimine qatysty medıınalyq saraptama qorytyndysy jarııa etildi, dep habarlaıdy  qandastar.kz     Orda.kz-ke silteme jasap.

Bul — istegi eń mańyzdy derekterdiń biri. Marqumnyń naqty neden qaza tapqany týraly alǵash ret resmı túrde málimdeme jasaldy.

Prokýror Dana Sársenbaıdyń aıtýynsha, 2024 jyly 4 qazanǵa qaraǵan túni «Qamajaı» dúkeniniń janynda bolǵan janjaldan keıin Sherzattyń ákesi Qarjaýbaı Nurymov jaraqat alǵan ulyn jáne onyń aǵasy Nurqanatty kóligine otyrǵyzyp, bar jyldamdyqpen Talǵar aýdandyq ortalyq aýrýhanasyna jetkizýge asyqqan.

«Sot-medıınalyq saraptama qorytyndysyna sáıkes, Sherzattyń ólimi kóp qan joǵaltqannan bolǵan. Jaraqat sol jaq ókpeniń joǵarǵy tusyna túsken, pyshaq júrekke óte jaqyn ornalasqan kókirek qýysyna suǵylǵan», — dep oqydy prokýror sot zalynda.

Dárigerler onyń ólimin 2024 jyly 4 qazan kúni túngi 01:30-da Talǵar aýdandyq aýrýhanasynda tirkedi.

Eske sala ketsek, Talǵarda 4 qazan kúni bir top adam kelip dúken ıesi Qarjaýbaı Nurymov, uly Sherzat Polat jáne aǵasy Nurqanatpen janjaldasyp, arty kisi ólimine ulasty. 16 jasar Sherzat Polat qaza boldy. Bul is qoǵamda úlken rezonans týdyrdy.

9 jeltoqsan kúni tańerteń jasóspirim Sherzat Polattyń aǵasy Nurqanat Ǵaıypbaevtyń denesi tabyldy.

10 jeltoqsanda Azat aýylynda Sherzattyń aǵasy  Nurqanat Ǵaıypbaevtyń janazasy óte salysymen arty úlken daýǵa aınaldy. Qarjaýbaı Nurymov 10 jeltoqsan kúni aǵasynyń janazasynda ustaldy. Ol júk kóliginiń tóbesine shyǵyp, uly men aǵasynyń ólimine qatysty ádil tergeý júrgizýdi talap etken bolatyn. Sot ony usaq buzaqylyq pen polıııa qyzmetkerlerine shabýyl jasady degen aıyppen 15 táýlikke qamaý týraly sheshim shyǵardy. Alaıda Nurymov bul aıyptardy joqqa shyǵaryp, tek polıııa kóliginiń dóńgelekterin teskenin málimdedi.

Osy kezde polıııa týystary men advokattary ótingen soń, Qarjaýbaıdy ustadyq dep málimdegen edi. Qarjaýbaı Nurymovtyń advokaty polıııaǵa onyń jaqyndary ustańdar dep aıtpaǵanyn málimdedi.

Nurqanat Ǵaıypbaevtyń ólimine qatysty oqıǵanyń  egjeı-tegjeıin myna reportajdan oqı alasyz.

Eske sala ketsek, IIM birinshi orynbasary Baýyrjan Álenov pen bas prokýror Berik Adamov jáne tergeý isin qolǵa alǵan Samat Aıysov 15 qazan brıfıng ótkizgen. Olardyń artynan ustalǵany málim boldy. Ustalǵandardyń kim ekenin sol brıfıngte aıtyp bergen edi.