Sherzat Polattyń ólimine qatysty iste 117 adamnan jaýap alyndy – Bas prokýratýra

Foto: ashyq derekkóz

Talǵarda 16 jastaǵy Sherzat Polattyń ólimine qatysty is boıynsha 117 kýágerden jaýap alyndy. Bas prokýrordyń orynbasary Ǵalymjan Qoıgeldıevtiń aıtýynsha, departament áli de materıaldarmen tanysý satysynda, dep jazdy qandastar.kz

Májiliste jýrnalıster Bas prokýratýradan Sherzat Polat isi boıynsha jumys qalaı júrip jatqanyn surady.

«Tergeý aıasynda 39 saraptama, 117 kýáger men jábirlenýshiden jaýap alyndy, 90 dıski qaraldy 36 bettestirý taǵaıyndaldy. Taldaýdy qajet etetin materıaldar óte kóp. Bul biraz ýaqytty alady», – dedi Bas prokýrordyń orynbasary.

BAQ ókilderi vedomstvonyń tergeý nátıjelerin qashan jarııalaıtynyn surady.

«Qazir biz qylmystyq is materıaldarymen tanysý satysyndamyz. Iske 11 adam qatysty», – dep túıindedi Qoıgeldıev.

Eske salaıyq, 4 qazanǵa qaraǵan túni Talǵarda 16 jastaǵy Sherzat Polat qaza tapqan edi. Onyń ólimi qoǵamda úlken narazylyq týdyrdy. Marqumnyń ákesi týystarymen jáne jergilikti turǵyndarmen birge ádil tergeý júrgizýdi talap etip, narazylyq uıymdastyrdy. Birneshe kúnnen keıin, 12 qazanǵa qaraǵan túni Nurymovtar otbasynyń úıi tolyǵymen órtenip ketti. Bas prokýratýra órttiń qasaqana jasalǵanyn málimdedi. Jergilikti bılik otbasyna ýaqytsha baspana men táýlik boıy kúzet berdi. Sondaı-aq ákimdik úıdi qalpyna keltirýge ýáde berdi.

 Stan.kz  jazǵandaı, oqıǵalardy tergeý kezinde ishki ister mınıstriniń birinshi orynbasary Baýyrjan Alenov pen Almaty oblysynyń prokýrory Berik Adamov 12 qazanda kinálilerdi anyqtaý boıynsha sharalar týraly málimdedi. Qoǵamdyq tártipti saqtaý úshin Talǵarǵa Ulttyq ulan kúshteri jumyldyryldy.

9 jeltoqsanda Talǵardyń shetinde Sherzat Polattyń janynda bolyp, qaqtyǵys kezinde qaza tapqan jasóspirimniń ákesiniń janynda júrgen onyń aǵasynyń denesi tabylǵany belgili boldy. Polıııa málimetinshe, er adam ózine qol jumsaǵan.