Jańalyqtar

Sherzat Polattyń ólimine qatysty tergeý aıaqtaldy ma?

10.01.2025

0 39

Foto: ashyq derekkóz

IIM Sherzat Polattyń ólimine qatysty qylmystyq isti tergeýdi 2024 jyldyń sońyna deıin aıaqtaýdy josparlaǵan bolatyn. Biraq taǵy segiz qylmystyq is tirkeldi, sondyqtan sotqa deıingi tergeý jalǵasty, dep habarlaıdy qandastar.kz

Ishki ister mınıstriniń orynbasary Sanjar Ádilov Talǵarda 16 jastaǵy jasóspirimniń ólimine qatysty tergeý aıaqtalýǵa jaqyn ekenin habarlady.

«Almaty oblysynyń polıııa departamenti Talǵar qalasynda adam óltirý faktisi boıynsha qylmystyq is qozǵady. Sonymen qatar, urlyq, buzaqylyq, qorqytý jáne qylmys týraly habarlamaý faktileri boıynsha segiz qylmystyq is tirkeldi.Is boıynsha 11 aıyptalýshyǵa qatysty «qamaý» bultartpaý sharasy tańdaldy. Qazirgi ýaqytta sotqa deıingi tergep-tekserý júrgizilýde, onyń qorytyndysy boıynsha proessýaldyq sheshim qabyldanatyn bolady», — dep jaýap berdi QR IIM baspasóz qyzmeti QazAqparattyń 2025 jylǵy 10 qańtardaǵy saýalyna.

2024 jyldyń 4 qazanynda Talǵarda jappaı tóbeles bolyp, onyń barysynda 16 jastaǵy Sherzat Polat pyshaq jaraqatynan qaıtys boldy. Qoǵamdyq rezonans týdyrǵan jasóspirimdi óltirý deregi boıynsha QR Qylmystyq kodeksiniń bes baby boıynsha 11 kúdikti qamaýǵa alyndy.

2025 jyldyń 3 qańtarynda Qasym-Jomart Toqaev Sherzat Polattyń óltirilýi týraly aıtty. Prezıdent «tergeý áreketteri aıaqtaldy, jaqyn arada bul is boıynsha sot proesi ótetinin» málimdedi.

Ilmekter