Sherzat Polattyń úıin órtegenderdi anyqtaý úshin reseılik spýtnık qoldanylmaq

Foto: TJM

Bas prokýrordyń orynbasary Ǵalymjan Qoıgeldıev marqum Sherzat Polattyń úıin órteý deregine qatysty tergeý derekterin bólisti,  dep jazdy qandastar.kz

Bul týraly Stan.kz aqparat agenttigi habarlaıdy.

Qoıgeldıev tergeý áli jalǵasyp jatyr deıdi.

«Aıtarym, buǵan deıin birqatar saraptama júrgizildi. Saraptama qorytyndysy boıynsha belgili nátıjeler bar. Proess ne úshin toqtap qalǵanyna keler bolsaq, biz Reseı Federaııasyna halyqaralyq tergeý tapsyrmasyn joldadyq. Istiń tolyqtyǵy úshin spýtnık arqyly sol kezde janynda (úıdiń – red.) qandaı kólikter turǵanyn zerttemekpiz», – dep túsindirdi Bas prokýratýra ókili.

Eske salaıyq, buǵan deıin Talǵarda óltirilgen jasóspirim Sherzat Polattyń úıin órtegen kúdiktiler áli tabylmaǵany týraly habarlaǵan edik.

«Tergeý jalǵasýda. Sotqa deıingi tergeý nátıjeleri týraly qazir eshteńe aıta almaımyn. Qandaı da bir aqparat paıda bolǵan kezde, birden jarııalanady dep oılaımyn. Qazirshe tabylǵan joq. Bul týraly eshqandaı aqparatym joq», – dedi Bas prokýratýranyń orynbasary Áset Shyndalıev.