«Sherzatty urǵan joqpyn»: Talǵardaǵy tóbeles isinde sottalýshylardan jaýap alý bastaldy

“QYSYM JASALDY”

Ulysmedia.kz jazǵandaı,  sotta aıyptalýshy Darhan Áskentaı tergeý kezinde qysym jasalǵanyn aıtty. Ol Sherzatty boqtamaǵanyn, soqqydan dene jaraqatyn alǵanyn aıtty.

– «Toqtańdar, atam, atam!» degen daýys shyqty. Sosyn balalarǵa taqap atty myltyqty. Turyp qaldym túsinbeı. Nurbol kýrtkasyn laqtyrdy. Nurboldyń artynan bara jatyp edim bir bala qulap jatty. Bir bala skoryı, skoryı dep aıqaılap jatty. Sol jerde Nurqanat baryp qulady sol jerge. Bir balalar tóbelesip jatty. Sherzattyń dostary ma bilmeımin. «Qoıyńdar, qoıyńdar» degende bir-eki soqqy aldym. Sosyn tómen túsip ketip qaldym, – dedi Darhan Áskentaı.

Áskentaı Sherzat Polatty da, Nurqanat Ǵaıypbaevty da urmaǵanyn, soqqyǵa jyqpaǵanyn aıtty. Sózinshe myltyqty Nurqanat Ǵaıypbaev atqan. Darhan Áskentaı ózine taǵylǵan aıyppen kelispedi.

Sottalýshylarǵa taǵylǵan aıyptar:

•    Abzal Shynasyl – QK 99-baby (Adam óltirý), 24-baby (Qylmysqa daıyndalý jáne oqtalý), 293-baby (Qarý qoldaný arqyly buzaqylyq jasaý)
•    Ravıl Sákıev – QK 99-baby (Adam óltirý), 24-baby (Qylmysqa daıyndalý jáne oqtalý)
•    Azamat Toqtaýbaev – QK 293-baby (Buzaqylyq), 188-baby (Urlyq)
•    Dıdar Qalıahmet, Darhan Áskentaı, Nurbol Toqtaýbaev, Shyńǵys Belǵojaev, Nurqııas Ilııasov – QK 293-babynyń 3-bóligi (Qarý qoldaný arqyly buzaqylyq jasaý)
•    Dýman Ysqaq (kámelet jasyna tolmaǵan) – QK 434-baby (Qylmys týraly habarlamaý)

Sot kúdiktilerdi kináli dep tanysa, olar 5 jyldan 20 jylǵa deıin bas bostandyqtarynan aıyrylýy múmkin.

BUǴAN DEIIN

6 mamyrdaǵy sot otyrysy is boıynsha kýá dep tanylǵan Talǵar aýdandyq polıııa basqarmasynyń krımınaldy polıııa bóliminiń basshysy Medet Ádiljannan jaýap alýdan bastalǵan bolatyn. Ol oqıǵa bolǵan kúni marqum Sherzat Polattyń nemere aǵasy Nurqanat Ǵaıypbaevtan jaýap alǵan.

KÝÁGERLER

Buǵan deıin ekinshi kýáger Dana Jaqsykeldi jaýap bergen bolatyn. Sonymen qatar, úshinshi kýáger Iýldash Rozybakıev sottalýshy Abzal men Nurqııasty ǵana tanıtynyn aıtty. Ol qalǵan sottalýshylardy tanymaıtynyn jetkizdi. Sherzat isinde taǵy bir kýáger Arlan Qazykenov jaýap berdi.

Odan bólek, 28 sáýir kúni Talǵardaǵy qandy tóbeleste qaza tapqan Sherzat Polattyń ólimine qatysty sot proesine besinshi kýáger Samat Abdyqadyr kelip, taraptardyń suraǵyna jaýap berdi. Samat – sottalýshy Dıdar Qalıahmetovtiń baýyry.

Sotta kúdiktiniń taǵy bir baýyry Dáýlet Muratov ta kelip, taraptardyń suraǵyna jaýap berdi.

Sonymen qatar, Sherzat sotynda Qarjaýbaıǵa syra úshin aqsha jibergen kýáger Beknur Asqarbek jaýap berdi. Al Sherzat mert bolǵan kúni kelgen polıeı kúdiktiniń synyptasy bolyp shyqty. Odan bólek, Sherzat ólimine baılanysty sot proesinde memlekettik aıyptaýshy marqum Nurqanat Ǵaıypbaevtyń jaýaptaryn oqydy. Nurqanat tergeý kezinde oqıǵa ornynda bolǵan eki qyzǵa qatysty kútpegen derekter aıtty.

Sherzat Polat isi boıynsha tikeleı efırdi Ulystyń Youtube-arnasynan kóre alasyzdar.