Sheshenstanda polıeılerge shabýyldaǵan jasóspirimdi bılik óltirip, denesin alańǵa shyǵaryp qoıǵan

Foto: GroznyiTV

7 sáýir keshke Sheshenstannyń Achhoı-Martanda belgisiz bireý patrýldik polıııa qyzmetkerlerine pyshaqpen shabýyl jasaǵan. Saldarynan bir polıeı aýrýhanada kóz jumdy. Kelesi kúni kúdiktini ustap, onyń denesin alańǵa qoıyp qoıǵan. Ramzan Qadyrov shabýyl jasady degen jasóspirimniń týystaryn Sheshenstannan shyǵarýdy talap etti, dep jazdy qandastar.kz

Bul týraly Stan.kz aqparat agenttigi VVS arnasyna silteme jasap habarlaıdy.

Dúısenbi saǵat 21:00 shamasynda Achhoı-Martan turǵyny jol polıııasy beketinde kezekshi polıııa qyzmetkerlerine pyshaqpen shabýyl jasady.

Beınebaqylaý kamerasynan jigittiń dúkennen shyǵyp jatqanyn kórýge bolady. Jol boıynda shamdary janyp turǵan polıııa kóligi tur. Kóliktiń qasynda úsh adam bar. Shabýylshy olarǵa qaraı júgirip, birinshisine shabýyl jasaıdy. Ol polıeıdi jerge qulatady, sol kezde oq atylady.

Achhoı-Martan – qala tıptes eldi meken, degenmen sheshender ony qala dep ataıdy. Ol Groznyıdan ońtústik-batysqa qaraı 50 shaqyrymdaı jerde, taý etegine jaqyn ornalasqan. Onda 30 myńnan astam adam turady.

Dál osyndaı oqıǵa munda bir jyl buryn boldy. Achhoı-Martanov aýdanyndaǵy Staryı Achhoı aýylynda qarýlanǵan úsh adam polıııa qyzmetkerlerine shabýyl jasady.

7 sáýirde bir polıııa qyzmetkeri aýyr pyshaq jaraqatyn alyp, aýrýhanada mert boldy. Taǵy ekeýi jaraqat aldy. Tergeý komıteti quqyq qorǵaý organdary qyzmetkerlerin óltirýge oqtalý isti tergep jatyr.

9 sáýirde Achhoı-Martandaǵy bıýdjet salasynyń barlyq qyzmetkeri qala ortalyǵyndaǵy mıtıngige jınaldy. Biraq ol mıtıng ádeıi uıymdastyrylǵan eken.

Mıtıngke májbúrli túrde qatysýshylardyń biri jınalǵandardyń aldyna ákimdik basshysy Hoza Býrsagov pen aýdannyń ıslam qazysy Abdýrashıd Dadýev shyqty dedi. Sol kezde kólik toqtap, ishinen oralǵan qandy nárseni alyp shyqqan. Bul bılik polıııa qyzmetkerlerine shabýyl jasady dep aıyptalǵan jasóspirimniń denesi edi.

Achhoı-Martan ákimshiliginiń janynda bir top adam jigittiń denesin qorshap aldy. Kýágerlerdiń aıtýynsha, birneshe áıel esinen tanyp qalǵanymen, mıtıngiden eshkimdi shyǵarýǵa ruqsat etpegen.

Reseı prezıdenti janyndaǵy Adam quqyqtary jónindegi keńestiń múshesi Eva Merkacheva Achhoı-Martanda bolǵan oqıǵany «jabaıylyq» jáne «baıaǵy zaman» dep atady.

«Bul eshqandaı quqyqtyq normalarǵa sáıkes kelmeıdi. Adamzat qandy qaqtyǵystardan, ólim jazasynan jáne qatygezdikti kópshilikke kórsetýden qutylý úshin damydy. Bolyp jatqan jaǵdaı, meniń oıymsha, mádenıet pen órkenıetke keri qadam», – dedi ol.

Achhoı-Martandaǵy shabýyldan keıin Ramzan Qadyrov qaýipsizdik kúshterimen kezdesý ótkizdi.

«Bul nekesiz balaǵa kelsek: ata-anasy, aǵasy bolsa, olardyń barlyǵyn respýblıkadan shyǵarý kerek. Olardyń Sheshenstandaǵy jáne Máskeýdegi múlkin tárkileý kerek», – dedi Qadyrov.

Ol osylaı jasaǵandarǵa qandaı jaza bolatynyn aıtty.

• Birinshisi – múlikti tárkileý, satý jáne aqshany muqtaj jandarǵa kómek retinde taratý;
• Ekinshisi – bir aıdan keıin týystarynyń múlkin tartyp alyp, olardy da respýblıkadan qýyp jiberý.

Ramzan Qadyrov polıeılerge shabýyl jasaǵan jasóspirim sheteldikterdiń propagandasyna erdi dep, Ýkraınany kinálady. Túrkııada ornalasqan toptyń áreketin belgili bir «Ýkraına azamaty» basqarǵan, al olar jasóspirimdi basqaryp turǵan kórinedi.

Ýkraına bıligi Qadyrovtyń málimdemesine qatysty pikir bildirgen joq.

«Ishki ister mınıstrligi men Reseı Ulttyq gvardııasy FSB-men birlesip, osynyń artynda turǵandardyń ákeleri men aǵalaryn respýblıka aýmaǵynan shyǵarýy kerek. Olardyń dúnıe-múlki tárkilenýi kerek… Osydan keıin olar Ýkraınaǵa jumys isteýin toqtatpasa, basqa týystaryn da shyǵarý kerek», – dedi Sheshenstan basshysy.

Pyshaqpen shabýyl jasaǵan adamnyń otbasy músheleri áli polıııa bólimshelerinde, olardyń ne bolyp jatqany týraly naqty aqparat joq. Olar jasóspirimniń tystaryn soǵysqa jiberý arqyly kinásiniń bir bóligin óteýdi usynyp otyrtdeıdi. Iaǵnı Ýkraınaǵa qarsy soǵysqa birneshe er týystaryn jiberedi.