«شەشەسى ءۇشىن اجىراسىپ كەتكەن»: جەلىدە ءبىر-بىرىمەن سۇيىسكەن اناسى مەن بالاسى قىزۋ تالقىعا ءتۇستى

Threads جەلىسىندە اناسى مەن بالاسىنىڭ ەرىندەرىنەن سۇيگەن ءساتى قىزۋ تالقىعا ءتۇستى, دەپ حابارلايدى Qandastar.kz  Skifnews.kz اقپارات پورتالى.

جەلى قولدانۋشىلارى اناسىنىڭ ارەكەتىن قاتاڭ سىناپ, بالاسىنا ەسكەرتۋ جاسادى.

“مۇنى كورگەنشە, تورتتى كورىپ وتىرا بەرگەنىم جاقسى ەدى”, “بۇل قازاقتار ەمەس, قىرعىزدار”, ء“بىرىنشى ايەلىمەن نە ءۇشىن اجىراسقانى بەلگىلى بولدى”, “مۇنداي وقيعانى ءبىرىنشى رەت كورىپ تۇرعان جوقپىن”, “15 جاستاعى قىز اكەسىمەن ءسۇيىسىپ جۇرگەن, بۇلار سولار ما?!”, “اناسىنىڭ بىرنەشە رەت ۇلىنىڭ ەرنىنە جابىسقانىن انىق كورۋگە بولادى. بۇل بلوگەر شەشەسى ءۇشىن ايەلىنەن اجىراسىپ كەتكەن. ماماسىنىڭ بالاسى. دەمالۋعا بارعاندا دا اناسىن ەرتىپ جۇرەدى”, “وسىنىڭ ءبارىن كورىپ وتىرعان ايەلىنە وبال”, “ەڭ باستىسى, قازاققا جات دۇنيە دەسەك تە, اراسىندا ءبىزدىڭ دە مامالارىمىز وسىلاي بالاسىنىڭ ەرنىنەن ءسۇيىپ جۇرەدى”, – دەپ جازدى كوپشىلىك.

ودان كەيىن قىرعىز بلوگەرى ەليزا جەەنمىرزاەۆا پىكىر ءبىلدىرىپ, ۆيدەوداعى ەنەسى مەن كۇيەۋى ەكەنىن ايتقان.

“وسىمەن بۇل تاقىرىپتى جابايىق. اناسى مەن بالاسى ەكەنى راس. ەشقانداي سەندەر ويلاعاندا دۇنيە ەمەس. تەك سىيلاستىق پەن سۇيىسپەنشىلىك عانا بار. بۇل ءىس-ارەكەت ءبىزدىڭ وتباسىمىزداعى قالىپتى جاعداي. ءبىز ەشكىمنەن نە ىستەگىمىز كەلەتىنىن سۇرامايمىز. وسى ۆيدەو ءسىزدىڭ اشۋىڭىزعا ءتيىپ جاتسا, دەمەك ماسەلە – وزىڭىزدە. سىزگە بەرەر كەڭەسىم, ءوز ءومىرىڭىزدى ءسۇرىڭىز”, – دەپ جازدى بلوگەر.