«Sheshesi úshin ajyrasyp ketken»: Jelide bir-birimen súıisken anasy men balasy qyzý talqyǵa tústi

Threads jelisinde anasy men balasynyń erinderinen súıgen sáti qyzý talqyǵa tústi, dep habarlaıdy Qandastar.kz  Skifnews.kz aqparat portaly.

Jeli qoldanýshylary anasynyń áreketin qatań synap, balasyna eskertý jasady.

“Muny kórgenshe, tortty kórip otyra bergenim jaqsy edi”, “Bul qazaqtar emes, qyrǵyzdar”, “Birinshi áıelimen ne úshin ajyrasqany belgili boldy”, “Mundaı oqıǵany birinshi ret kórip turǵan joqpyn”, “15 jastaǵy qyz ákesimen súıisip júrgen, bular solar ma?!”, “Anasynyń birneshe ret ulynyń ernine jabysqanyn anyq kórýge bolady. Bul bloger sheshesi úshin áıelinen ajyrasyp ketken. Mamasynyń balasy. Demalýǵa barǵanda da anasyn ertip júredi”, “Osynyń bárin kórip otyrǵan áıeline obal”, “Eń bastysy, qazaqqa jat dúnıe desek te, arasynda bizdiń de mamalarymyz osylaı balasynyń erninen súıip júredi”, – dep jazdy kópshilik.

Odan keıin qyrǵyz blogeri Elıza Jeenmyrzaeva pikir bildirip, vıdeodaǵy enesi men kúıeýi ekenin aıtqan.

“Osymen bul taqyrypty jabaıyq. Anasy men balasy ekeni ras. Eshqandaı sender oılaǵanda dúnıe emes. Tek syılastyq pen súıispenshilik ǵana bar. Bul is-áreket bizdiń otbasymyzdaǵy qalypty jaǵdaı. Biz eshkimnen ne istegimiz keletinin suramaımyz. Osy vıdeo sizdiń ashýyńyzǵa tıip jatsa, demek másele – ózińizde. Sizge berer keńesim, óz ómirińizdi súrińiz”, – dep jazdy bloger.