شەت اۋدانىنىڭ تۇرعىندارىنا كومەك جونەلتىلدى

قاراعاندىدا قازاقستان حالقى اسسامبلەياسىنىڭ رەسپۋبليكالىق جانە وڭىرلىك شتابتارى بىرلەسىپ, سۋ تاسقىنىنان زارداپ شەككەن شەت اۋدانىنىڭ تۇرعىندارىنا گۋمانيتارلىق كومەك جونەلتتى, وبلىس بويىنشا وسى اۋداندا 4 اۋىلدى قارعىن سۋ باسۋىنا بايلانىستى جەرگىلىكتى دەڭگەيدەگى توتەنشە جاعداي جاريالانعان ەدى.

بۇل ەلدى مەكەندەردە 43 ۇيگە سۋ كىرىپ, مال شىعىنى بولدى. تۇرعىندارعا قاجەتتى زاتتار ءتىزىمى جەرگىلىكتى جەدەل شتابتاردىڭ كومەگىمەن ناقتىلانعان. بۇگىن كەنشىلەر قالاسىنداعى دوستىق ۇيىندە قۇرىلعان كومەك قابىلداۋ پۋنكتىنەن العاشقى 2 جۇك كولىگى جولعا شىقتى. ولارعا ازىق-ت ۇلىك, توسەك ورىن, ءدارى-دارمەك پەن گيگيەنالىق زاتتار تيەلگەن.

اكبارجون يسمايلوۆ, قحا توراعاسىنىڭ ورىنباسارى: — بارلىق وڭىرلەر بويىنشا بىزدە 34 دوستىق ءۇيى بار. ولاردا قازاقستاندىقتار ازىق-ت ۇلىك, كيىم-كەشەك ت.ب. جيناپ جاتىر. ءار وڭىردە شتابتارىمىز بار. قاي اۋدانعا, قاي اۋىلعا قانداي زاتتار كەرەك ەكەنىن بىزگە جەتكىزىپ وتىرادى. جالپى قولداپ جاتقان بۇكىل قازاقستان حالقى. ونىڭ ىشىندە ەتنو-مادەني ورتالىقتار بار, كاسىپكەرلەر بار.