ShET AÝDANYNYŃ TURǴYNDARYNA KО́MEK JО́NELTILDI

Qaraǵandyda Qazaqstan halqy Assambleıasynyń respýblıkalyq jáne óńirlik shtabtary birlesip, sý tasqynynan zardap shekken Shet aýdanynyń turǵyndaryna gýmanıtarlyq kómek jóneltti, Oblys boıynsha osy aýdanda 4 aýyldy qarǵyn sý basýyna baılanysty jergilikti deńgeıdegi tótenshe jaǵdaı jarııalanǵan edi.

Bul eldi mekenderde 43 úıge sý kirip, mal shyǵyny boldy. Turǵyndarǵa qajetti zattar tizimi jergilikti jedel shtabtardyń kómegimen naqtylanǵan. Búgin kenshiler qalasyndaǵy Dostyq úıinde qurylǵan kómek qabyldaý pýnktinen alǵashqy 2 júk kóligi jolǵa shyqty. Olarǵa azyq-túlik, tósek oryn, dári-dármek pen gıgıenalyq zattar tıelgen.

Akbarjon Ismaılov, QHA tóraǵasynyń orynbasary: — Barlyq óńirler boıynsha bizde 34 dostyq úıi bar. Olarda qazaqstandyqtar azyq-túlik, kıim-keshek t.b. jınap jatyr. Ár óńirde shtabtarymyz bar. Qaı aýdanǵa, qaı aýylǵa qandaı zattar kerek ekenin bizge jetkizip otyrady. Jalpy qoldap jatqan búkil Qazaqstan halqy. Onyń ishinde etno-mádenı ortalyqtar bar, kásipkerler bar.