الەۋمەت جانە قوعام
«شەتەلدىك قوناقتار ءۇشىن»: اباي وبلىسىنىڭ اكىمدىگى 170 ميلليون تەڭگەگە جاڭا كولىكتەر ساتىپ الماق
فوتو: depositphotos.com
اباي وبلىسىنىڭ اكىمدىگى 170 ميلليون تەڭگەگە جاڭا كولىكتەر ساتىپ الماق, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
مەملەكەتتىك ساتىپ الۋ پورتالىنان ەكى لوت جاريالانعان. العاشقى لوتقا سايكەس, اكىمدىك ەكى بىردەي ليۋكس ساناتىنداعى اۆتوكولىك ساتىپ الماق. ارقايسىسىنىڭ باعاسى شامامەن 42 ميلليون تەڭگە بولدى.
ال ەكىنشى لوت ءسال قاراپايىمداۋ: ارقايسىسى 21 ميلليون تەڭگەدەن, ءتورت اۆتوكولىك.
وبلىس اكىمدىگى جاڭا كولىكتەردىڭ نە ءۇشىن قاجەت ەكەنىن ءتۇسىندىردى. اكىمدىك مالىمەتىنشە, جاڭا كولىكتەر شەتەلدىك قوناقتاردى جانە قورعاۋداعى تۇلعالاردى قارسى الۋ ءۇشىن پايدالانىلادى. سونىمەن قاتار بۇل كولىكتەر وبلىستىڭ شالعاي اۋداندارىنا «سەنىمدىرەك» ساپار شەگۋ ءۇشىن قولدانىلادى.
قازىر وبلىس اكىمدىگىنىڭ اۆتوپاركىندە 16 كولىك بار, بۇل رۇقسات ەتىلگەن شەكتەۋدە. نارىقتاعى باعالارعا شاقساق, اۆتوپاركتىڭ جالپى قۇنى 300 ميلليون تەڭگەدەن اسىپ شىعىلادى.
