«Sheteldik sportshylarǵa azamattyq berip, el atynan dodaǵa qosý tájirıbesin doǵarý kerek»: Prezıdent sporttaǵy qandaı máselelerdi synǵa aldy?

Sheteldik sportshylarǵa azamattyq berip, el atynan dodaǵa qosý tájirıbesin doǵarý kerek. Memleket basshysy Qasym-Jomart Toqaev jazǵy Parıj Olımpıada oıyndarynyń júldegerlerimen kezdesýinde osylaı dedi. Saladaǵy kemshilikterdi súzgiden ótkizip, reformanyń qajettiligin tilge tıik etti, dep habarlaıdy qandastar.kz Skifnews.kz aqparat portalyna silteme jasap.

Prezıdent basqosýda chempıondarǵa qurmet kórsetti. Eń aldymen Olımpıada jeńimpazy Eldos Smetovtiń jeńisine erekshe toqtaldy.

QASYM-JOMART TOQAEV, QAZAQSTAN RESPÝBLIKASYNYŃ PREZIDENTI:

Ol baıraqty básekeniń alǵashqy kúnderi Jaqsylyq Úshkempirovtiń dańqty jolyn jalǵady. El tarıhynda tuńǵysh ret dzıýdodan Olımpıadanyń altyn medalin aldy. Eldos baýyrym, sen Olımpıadaǵa attanar aldynda maǵan jáne barlyq sport jankúıerlerine bar kúsh-jigerimdi jeńiske jetý úshin jumsaımyn dep ýáde berdiń. Sózińde turdyń. Naǵyz jigitsiń! Biz bárimiz seni maqtan tutamyz. 

ELDOS SMETOV, PARIJ OLIMPIADASYNYŃ ChEMPIONY:

Parıj olıpıadasy oıynynda dzıýdonyń tarıhyndaǵy altyndy alsam degen armanym bar edi sol armanǵa sizdiń jáne halyqtyń qoldaýynyń arqasynda jettim dep bilemin.Sonymen qatar tórtkúl dúnıe kóz tikken tórtjyldyqtyń dodasynan júldemen oralǵan ózge sportshylarǵa, bapkerler men atletterdi daıyndaýǵa úles qosqan azamattarǵa da alǵys aıtty. Árbir jeńis zor erik-jiger men qajyrly eńbektiń jemisi dedi.

QASYM-JOMART TOQAEV, QAZAQSTAN RESPÝBLIKASYNYŃ PREZIDENTI:

Shyn máninde, júzden júırik, myńnan tulpar shyǵyp, álemdik básekede jeńiske jetý ońaı emes. Mundaı jahandyq dodada el qorjynyna túsken ár medaldiń orny aıryqsha. Sondyqtan búgin men Olımpıada júldesine ıe bolǵan barsha sportshylarymyzǵa shynaıy rızashylyǵymdy bildiremin. 

NAZYM QYZAIBAI, PARIJ OLIMPIADASYNYŃ QOLA JÚLDEGERI:

Parıj qalasynda ótken Olımpıada oıyndaryndaóner kórsetken Qazaqstan ulttyq qurama sportshylarynyń atynan alǵys aıtam. Bizdiń jeńisimizdiń artynda búkil halyqtyń, memlekettiń qoldaýy men senimi turǵany anyq.LE ALEKSANDRA, PARIJ OLIMPIADASYNYŃ QOLA JÚLDEGERI:

Qurmetti Qasym-Jomart Kemeluly birinshi kezekte barsha Qazaq halqyna jáne sizge alǵysymdy bildiremin. Parıj tórinde Qazaqstannyń namysyn qorǵaý men úshin úlken mártebe. Medaldi jeńip alý úshin biz úzdiksiz jáne tyńǵylyqty daıyndaldyq.Tórt jyldyqtyń tórinen kóriný árbir sportshynyń armany. Sol jolda qanshama adam ter tógedi. Qyrýar qarjy bólinedi. Przedıent sońǵy bes jyldyqtaǵy shyǵynnyń eki ese óskenin aıtyp, biraq nátıje bolmaǵanyn synǵa aldy.

QASYM-JOMART TOQAEV, QAZAQSTAN RESPÝBLIKASYNYŃ PREZIDENTI:

Salalyq mınıstrlik, Ulttyq olımpıada komıteti, óńirlerdegi sport basqarmalary men federaııalardyń jumysynda olqylyq kóp ári ózara úılesimdi jumys joq dep sanaımyn. Qazirgi jaǵdaıǵa qaraǵanda, sport fýnkıonerleri salany damytýmen emes, mıllıardtaǵan bıýdjet qarjysyn ıgerýmen álek. Olar túpki nátıjege bas aýyrtpaıdy.Bas aýyrtpaǵany anyq. Sheteldik sportshylar aıdy aspanǵa shyǵarady dep qatty sense kerek. Oılaǵandary bolmady. Legıonerler jerge qaratty. Prezıdent bul tájirıbemen uzaqqa shappaıtynymyzdy ańǵardy, salany tizgindegenderdi tezge saldy.

QASYM-JOMART TOQAEV, QAZAQSTAN RESPÝBLIKASYNYŃ PREZIDENTI:

Kez kelgen legıoner ulttyq quramaǵa shaqyrtý alǵysy keletin jas ári bolashaǵynan kóp úmit kúttiretin atletterimizdiń jolyn kesedi. Odan góri qazir bizde damýy kenjelep turǵan sport túrlerinen myqty sheteldik bapkerlerdi tartý múmkindigin qarastyrǵan jón.Rasynda naǵyz talanttar tasada qalyp jatyr. Eldegi irikteý syndarynda ádildik joqtyǵynyń kórinisi. Prezıdent sportshylar tek jeńisti oılaý úshin osy júıeni jónge keltirý qajettigin tapsyrdy. Sondaı-aq, olımpıada rezervin daıyndaıtyn mektep-ınternattar men kolledjderge jan-jaqty qoldaý kórsetý kerek ekenin aıtty.

QASYM-JOMART TOQAEV, QAZAQSTAN RESPÝBLIKASYNYŃ PREZIDENTI:

Mundaı oqý oryndary barlyq aımaqta bolýy qajet. Almatyda jańa Olımpıadalyq daıarlyq bazasy salyndy. Bul bizdiń sportshylarymyzdyń joǵary deńgeıde jattyǵýyna zor múmkindik beredi. Osynyń bári elimizde chempıondardyń jańa býynyn daıyndap shyǵarýǵa jol ashatynyna senimdimin.

Conymen qatar, búgin Memleket basshysynyń Jarlyǵymen Ermek Boranbaıuly Marjyqpaev Qazaqstan Respýblıkasynyń Týrızm jáne sport mınıstri laýazymynan bosatyldy.

Ermek Marjyqpaev bul qyzmetke 2023 jyldyń 2 qyrkúıeginde taǵaıyndaldy.

Otstavkaǵa ketken sport mınıstri málimdeme jasady. Ermek Marjyqpaev Toqaev pen úkimetke alǵysyn bildirdi.

«Bul meniń ómirimdegi óte mańyzdy kezeń boldy. Prezıdent pen úkimetke maǵan artqan senimi úshin, sondaı-aq áriptesterime birlese jumys istegeni úshin alǵysymdy bildiremin. Otandyq týrızm men sportta qolǵa alǵan bastamalar aldaǵy ýaqytta jalǵasyn taýyp, jemisin bererine senemin», – dedi ol.