Sheteldik stýdentter Abaıdyń ánderin jatqa biledi

Kókshetaýda bilim alatyn sheteldik stýdentter qazaq tilin úırenip júr. Tipti keıbiri Abaı shyǵarmalaryn jatqa biledi

Endi olar qazaqtyń mýzykalyq aspaptaryna da den qoıa bastaǵan.

Pákistannan kelgen Faız Álı mýzykaǵa bala kúninen ǵashyq. Sabaqtan tys ýaqytynda vokalǵa barady.

Qazaq ánderimen qosa dombyra tartýdy úırenip júr. Ásirese Abaıdyń shyǵarmashylyǵyna qatty áýes. О́leńderin oqyp, ánderin aıtady.
«Qazaq tiline degen qyzyǵýshylyq birinshi kýrstan bastaldy. Qazaq tili sabaǵy maǵan unady. Men ýnıversıtettegi vokal stýdııasyna jazyldym. Maǵan Abaı Qunanbaevtyń ánderi unaıdy

. «Kózimniń qarasy» jáne «Jelsiz túnde jaryq aı» ánderin aıtyp, kóptegen oblystyq, qalalyq baıqaýlarǵa qatystym», — deıdi stýdent Faız Álı.
Al Sabrına Mýhabatıdiń Kókshetaýǵa kelgenine eki aı da ótpegen. Soǵan qaramastan qazaqsha 300-ge tarta sóz jattap alǵan. Qazaq tili men parsy tiliniń uqsastyǵy kóp. Sol sebepti til meńgerý asa qıynǵa soqpady, deıdi.

Biz ózimiz birinshi aǵylshyn tilin oqyp aldyq. Sosyn aǵylshyn tilimen salystyra otyryp, olardy qazaq tiline úıretip, qyzyqtyra oqytamyz. Onyń ústine biz kóbine kommýnıkatıvti daǵdylaryn damytýǵa basa kóńil bólemiz. Biz eń birinshi sózderdi jattatqyzamyz. Sol sózderden sóz tirkesterin qurastyramyz. Sodan sóılem qurýǵa úıretemiz», — deıdi Sh.Ýálıhanov atyndaǵy Kókshetaý ýnıversıtetiniń aǵa oqytýshysy Anar Boqaeva.

Shetelden keletin stýdentterdiń deni medıına kafedrasynda bilim alady. Bolashaq dárigerlerdiń sózinshe, qazaqstandyq bilim júıesiniń mártebesi joǵary. Sebebi ýnıversıtetterdegi oqý baǵdarlamasy jylda jańartylyp, zaman aǵymynan qalmaıdy.
«Bizde 757 bala oqıdy. Sonyń 331-i aǵylshyn tilinde bilim alady. Sheteldik stýdentterdiń 95%-i Úndistannan kelgen. Bangladesh, Pákistan men Aýǵanstannyń balalary da bar. Osy stýdentterdiń 8-i «Bolashaq» baǵdarlamasy aıasynda oqyp jatyr», — dep málimdedi Joǵary medıına mektebiniń dırektory Svetlana Muratbekova.

Bıyl ýnıversıtet ustazdary sheteldik stýdentter úshin qazaqsha oqýlyq qurastyrǵan. Sonyń kómegimen tildi tez arada meńgerip alýǵa bolady, deıdi oqytýshylar. Qazir ýnıversıtette álemniń 16 elinen 500-ge tarta stýdent bilim alady.