جاڭالىقتار
شەتەلدىك ستۋدەنتتەر ۇلىستىڭ ۇلى كۇنىن تويلادى
ۇلىستىڭ ۇلى كۇنى ءاز ناۋرىزدى شەتەلدىك ستۋدەنتتەر دە تويلادى. ولاردىڭ كەيبىرى مۇنداي مەيرامدى العاش كوردى. پاۆلوداردىڭ جوعارى وقۋ ورىندارىندا ءبىلىم الىپ جاتقان ءبىر توپ جاس كوشپەندىلەردىڭ كونەدەن جەتكەن سالت-داستۇرلەرىمەن تانىستى.
ناۋرىزدى ۋنيۆەرسيتەت قابىرعاسىندا ءسان-سالتاناتىمەن اتاپ وتكەن ولار ۇلتتىق ويىندارعا بەلسەنە قاتىستى. ستۋدەنتتىك فيلارمونيا ارتىستەرى ءان مەن جىردان شاشۋ شاشتى. پاكىستان, اۋعانستان, موڭعوليا, قىتاي, رەسەي, نيگەريادان كەلگەن ستۋدەنتتەر جەرگىلىكتى جاستاردىڭ ونەرىنە ءتانتى بولدى. جالپى پاۆلوداردىڭ ءبىلىم وردالارى شەتەلدىڭ جوعارى وقۋ ورىندارىمەن تىعىز بايلانىس ورناتقان. ءبىر عانا ۋنيۆەرسيتەت قابىرعاسىندا قازىر 300-دەن اسا وزگە مەملەكەتتەن كەلگەن ستۋدەنتتەر ءبىلىم الادى.
