ShETELDIK STÝDENTTER ULYSTYŃ ULY KÚNIN TOILADY

Ulystyń uly kúni Áz Naýryzdy sheteldik stýdentter de toılady. Olardyń keıbiri mundaı meıramdy alǵash kórdi. Pavlodardyń joǵary oqý oryndarynda bilim alyp jatqan bir top jas kóshpendilerdiń kóneden jetken salt-dástúrlerimen tanysty.

Naýryzdy ýnıversıtet qabyrǵasynda  sán-saltanatymen atap ótken olar ulttyq oıyndarǵa belsene qatysty. Stýdenttik fılarmonııa ártisteri án men jyrdan shashý shashty. Pákistan, Aýǵanstan, Mońǵolııa, Qytaı, Reseı, Nıgerııadan kelgen stýdentter jergilikti jastardyń ónerine tánti boldy. Jalpy Pavlodardyń bilim ordalary sheteldiń joǵary oqý oryndarymen tyǵyz baılanys ornatqan. Bir ǵana ýnıversıtet qabyrǵasynda qazir 300-den asa ózge memleketten kelgen stýdentter bilim alady.