شەتەلدىكتەر قازاقستان ازاماتتىعىن الۋ ءۇشىن 100 سۇراقتان تۇراتىن تەست تاپسىرادى

قازاقستان ازاماتتىعىن الۋ ءۇشىن شەتەلدىكتەر 100 سۇراقتان تۇراتىن تەست تاپسىرادى.  عىلىم جانە جوعارى ءبىلىم مينيسترلىگى ەمتيحان تاپسىرۋدىڭ ەرەجەلەرىن ازىرلەدى,-دەپ حابارلايدى politico.kz

قۇجات قوعام تالقىسىنا شىعارىلدى. جاڭاشىلدىققا ساي, سىناقتان سۇرىنبەي ءوتۋ ءۇشىن كەمىندە الپىس ۇپاي جيناۋ قاجەت. ەمتيحاندا قازاق تىلىنەن تىڭدالىم بويىنشا 20, وقىلىم بويىنشا 40 سۇراق قويىلادى.

Cونداي-اق, ەل ازاماتى بولعىسى كەلەتىندەردىڭ كونستيتۋتسيا نەگىزدەرى مەن قازاقستان تاريحى بويىنشا دا بىلىمدەرى باعالانادى. تەستىلەۋگە بارلىعى 2 ساعات 10 مينۋت ۋاقىت بەرىلەدى.

مىنا تۇلعالار سىناقتان بوساتىلادى:

• كامەلەتكە تولماعاندار;
• ارەكەتكە قابىلەتسىز تۇلعالار;
• قازاقستانعا سىڭىرگەن ەرەكشە ەڭبەگى نەمەسە قاجەتتى كاسىبى بار تۇلعالار;
• ەتنيكالىق قازاقتار;
• حالىقارالىق شارتتار بويىنشا ازاماتتىقتى جەڭىلدەتىلگەن الۋ قۇقىعى بار ادامدار.