Shetelge 700 tonna metall shyǵarmaq bolǵandar ustaldy

Jetisý oblysy Polıııa departamentiniń Uıymdasqan qylmysqa qarsy kúres basqarmasy prokýratýramen birlesip, ruqsat qujattarynsyz jumys istegen kompanııanyń zańsyz qyzmetiniń jolyn kesti, dep habarlaıdy Qandastar.kz aqparat portaly.

Atalǵan kompanııa tústi metaldardy zańsyz qabyldap, óńdep, ilespe qujattarǵa jalǵan málimetter engizý arqyly olardy birneshe ret el aýmaǵynan shyǵarýǵa tyrysqan.

Kásiporyn aýmaǵynda júrgizilgen tintý sharalary barysynda shetelge jóneltýge daıyndalǵan 600 tonnadan astam qorǵasyn jáne 100 tonnadan astam alıýmınıı quımalary, sondaı-aq tústi metall synyǵy tárkilendi.

Metall balqytýǵa arnalǵan jasyryn eh pen onyń quramyn aldyn ala zertteýge arnalǵan zerthana joıyldy.

Budan bólek, nysan aýmaǵynda zańsyz eńbek etken, kóshi-qon zańnamasyn buzǵan sheteldik azamattar ustalyp, olar zańnamaǵa sáıkes jaýapkershilikke tartylýda.

Qazirgi ýaqytta sotqa deıingi tergep-tekserý júrgizilip, qylmystyq shemanyń túpki benefııarlary anyqtalyp jatyr.