شيەلىدە ءبىر توپ ادام مەكتەپ وقۋشىسىن زورلاپ كەتكەن

شيەلى اۋدانىنداعى مەكتەپتەردىڭ بىرىندە وقۋشى ۇلدار 8-سىنىپتا وقيتىن قىزدى زورلاپ كەتكەن, دەپ حابارلادى turkystan.kz Skifnews.kz اقپارات پورتالىنا سىلتەمە جاساپ.

بۇل وقيعانى اۋداندىق ءبىلىم ءبولىمى راستاعان.

«شيەلى اۋدانىنا قاراستى ءبىلىم ورداسىندا 8-سىنىپ وقۋشىسىن مەكتەپ وقۋشىلارى زورلاپتى دەگەن سىبىس شىقتى, راس پا? قاي مەكتەپ?», — دەپ جازعان اۋدانداعى اتا-انانىڭ ءبىرى.

وسى پوستقا جاۋاپ بەرگەن شيەلى اۋداندىق پوليتسيا ءبولىمى وقيعا بولعانىن راستاعان.

«ورىن العان جاعدايعا بايلانىستى تەرگەۋ قۇپياسى مەن كامەلەت جاسىنا تولماعان جاس قىزدىڭ بولاشاعىنا الاڭداعاندىقتان, وقيعانىڭ قاي مەكتەپتە ورىن العاندىعى جاريالاۋعا جاتپايدىعىن حابارلايمىز. قازىرگى ۋاقىتتا اۋداندىق پوليتسيا ءبولىمى تاراپىنان تەرگەۋ ءجۇرىپ جاتىر, كىنالى دەپ تابىلعان ادامدار زاڭ اياسىندا جاۋاپقا تارتىلاتىندىعىن حابارلايمىز», — دەپ جازعان ءبىلىم باسقارماسى.