جاڭالىقتار
شىلدەنىڭ ورتاسىنان باستاپ تەمەكى قىمباتتايدى
2024 جىلدىڭ 15 شىلدەسىنەن باستاپ تەمەكى باعاسى قىمباتتايدى. بۇل جايلى قارجى مينيسترلىگى مەملەكەتتىك كىرىستەر كوميتەتىنىڭ ءباسپاسوز قىزمەتى حابارلادى.
«ءفيلترلى, ءفيلترسىز سيگارەتتەرگە, پاپيروستارعا, سيگاريللالارعا جانە قىزدىرىلاتىن تەمەكىسى بار بۇيىمدارعا ەڭ تومەن بولشەك ساۋدا باعالارىن بەلگىلەۋ تۋرالى» قازاقستان رەسپۋبليكاسى قارجى ءمينيسترىنىڭ 2022 جىلعى 22 اقپانداعى № 196 بۇيرىعىنا وزگەرىس ەنگىزىلدى»,- دەلىنگەن حابارلامادا.
كوميتەت حابارلاۋىنشا, شىلدەنىڭ ورتاسىنان 20 ءتۇرلى تەمەكى ونىمىنە ەڭ تومەن بولشەك ساۋدا باعالارى قولدانىلا باستايدى.
ءفيلترلى, ءفيلترسىز سيگارەتتەر, پاپيروستار, سيگاريللالار جانە قىزدىرىلاتىن تەمەكىسى بار بۇيىمداردىڭ باعاسى الداعى ۋاقىتتا ەكى رەت كوتەرىلمەك.
- 2023 جىلعى 15 شىلدەدەن باستاپ 2024 جىلعى 31 جەلتوقساندى قوسا العانعا – 820 تەنگەگە;
- 2025 جىلعى 1 قاڭتاردان باستاپ – 870 تەنگەگە قىمباتتايدى.
ەسكە سالا كەتسەك, تەمەكى باعاسىنىڭ كوتەرىلەتىنى جايلى مامىر ايىندا بەلگىلى بولدى. «اشىق نقا» سايتىندا جاريالانعان قۇجات تۇسىندىرمەسىندە تەمەكى ونىمدەرىنىڭ قىمباتتاۋى 2024 جىلعى 1 قاڭتاردان باستاپ تەمەكى ونىمدەرىنە سالىق جۇكتەمەسى وتكەن جىلمەن سالىستىرعاندا 12,8%-عا ۇلعايعانىمەن تۇسىندىرىلگەن بولاتىن.
سونىمەن بىرگە تەمەكى ونىمدەرىنە قاتىستى ولشەنگەن سالىق جانە باعا ساياساتىن جۇزەگە اسىرۋ, تەمەكى مەن تەمەكى شەگۋدىڭ تارالۋى مەن قولدانىلۋىن قىسقارتۋعا باعىتتالعان دەنساۋلىق ساقتاۋ سالاسىنداعى ماقساتتارعا قول جەتكىزۋ ماقساتىندا باعالاردى ءوسىرۋ كوزدەلىپ وتىرعانى حابارلاندى.
ايتا كەتەيىك, 2023 جىلى دا ءدال وسى ۋاقىتتا تەمەكى باعاسى كوتەرىلگەن بولاتىن. ول كەزدە ءفيلترلى, ءفيلترسىز سيگارەتتەرگە, پاپيروستارعا, سيگاريللالارعا جانە قىزدىرىلاتىن تەمەكىسى بار بۇيىمداردىڭ باعاسى 650 تەڭگەدەن 710 تەڭگەگە كوتەرىلگەن بولاتىن. ال 2024 جىلدىڭ 1 قاڭتارىنان باستاپ, 770 تەڭگە كولەمىندە ەڭ تومەنگى بولشەك ساۋدا باعاسى بەلگىلەنگەن ەدى.
بۇلايشا تەمەكى ونىمدەرى باعاسىنىڭ ۇلعايۋىنا ءبىرىنشى كەزەكتە 2022 جىلعى ينفلياتسيانىڭ 20,3 پايىزعا كوتەرىلۋى سەبەپ بولعانى ايتىلعان ەدى. سونىمەن بىرگە 2023-2024 جىلدارى اكتسيز مولشەرلەمەسى 14%-عا ۇلعايتىلعان جانە يمپورتتالاتىن شيكىزات پەن ماتەريالداردىڭ قۇنى ورتا ەسەپپەن 20%-عا وسكەن. سونىمەن قاتار تەمەكى ونىمدەرىنىڭ شيكىزاتى مەن كومپونەنتتەرىنىڭ لوگيستيكاسى ەداۋىر كۇردەلەنۋى دە باعالارعا ءوز اسەرىن تيگىزگەن.
