Jańalyqtar
Shildeniń ortasynan bastap temeki qymbattaıdy
2024 jyldyń 15 shildesinen bastap temeki baǵasy qymbattaıdy. Bul jaıly Qarjy mınıstrligi Memlekettik kirister komıtetiniń baspasóz qyzmeti habarlady.
«Fıltrli, fıltrsiz sıgaretterge, papırostarǵa, sıgarıllalarǵa jáne qyzdyrylatyn temekisi bar buıymdarǵa eń tómen bólshek saýda baǵalaryn belgileý týraly» Qazaqstan Respýblıkasy Qarjy mınıstriniń 2022 jylǵy 22 aqpandaǵy № 196 buıryǵyna ózgeris engizildi»,- delingen habarlamada.
Komıtet habarlaýynsha, shildeniń ortasynan 20 túrli temeki ónimine eń tómen bólshek saýda baǵalary qoldanyla bastaıdy.
Fıltrli, fıltrsiz sıgaretter, papırostar, sıgarıllalar jáne qyzdyrylatyn temekisi bar buıymdardyń baǵasy aldaǵy ýaqytta eki ret kóterilmek.
- 2023 jylǵy 15 shildeden bastap 2024 jylǵy 31 jeltoqsandy qosa alǵanǵa – 820 tengege;
- 2025 jylǵy 1 qańtardan bastap – 870 tengege qymbattaıdy.
Eske sala ketsek, temeki baǵasynyń kóteriletini jaıly mamyr aıynda belgili boldy. «Ashyq NQA» saıtynda jarııalanǵan qujat túsindirmesinde temeki ónimderiniń qymbattaýy 2024 jylǵy 1 qańtardan bastap temeki ónimderine salyq júktemesi ótken jylmen salystyrǵanda 12,8%-ǵa ulǵaıǵanymen túsindirilgen bolatyn.
Sonymen birge temeki ónimderine qatysty ólshengen salyq jáne baǵa saıasatyn júzege asyrý, temeki men temeki shegýdiń taralýy men qoldanylýyn qysqartýǵa baǵyttalǵan densaýlyq saqtaý salasyndaǵy maqsattarǵa qol jetkizý maqsatynda baǵalardy ósirý kózdelip otyrǵany habarlandy.
Aıta keteıik, 2023 jyly da dál osy ýaqytta temeki baǵasy kóterilgen bolatyn. Ol kezde fıltrli, fıltrsiz sıgaretterge, papırostarǵa, sıgarıllalarǵa jáne qyzdyrylatyn temekisi bar buıymdardyń baǵasy 650 teńgeden 710 teńgege kóterilgen bolatyn. Al 2024 jyldyń 1 qańtarynan bastap, 770 teńge kóleminde eń tómengi bólshek saýda baǵasy belgilengen edi.
Bulaısha temeki ónimderi baǵasynyń ulǵaıýyna birinshi kezekte 2022 jylǵy ınflıaııanyń 20,3 paıyzǵa kóterilýi sebep bolǵany aıtylǵan edi. Sonymen birge 2023-2024 jyldary akız mólsherlemesi 14%-ǵa ulǵaıtylǵan jáne ımporttalatyn shıkizat pen materıaldardyń quny orta eseppen 20%-ǵa ósken. Sonymen qatar temeki ónimderiniń shıkizaty men komponentteriniń logıstıkasy edáýir kúrdelenýi de baǵalarǵa óz áserin tıgizgen.
