ShQO-da jumys ýaqytyn ózgertý máselesi qaralyp jatyr

Foto: ashyq derekkóz

Shyǵys Qazaqstan oblysynyń ákimi Ermek Kósherbaev ýaqyt beldeýiniń aýysýyna baılanysty aımaqta jumys ýaqytyn ózgertý qaralyp jatqanyn aıtty, dep jazdy qandastar.kz

«Ýaqytty ózgertý jergilikti bıliktiń quziretine kirmeıdi. Bul sheshim úkimette qabyldanǵan, muny ózgerte almaımyz. Turǵyndarda qıyndyqtar bolǵan shyǵar. Keıbiri «balalardy keshke jaqyn mektepten alyp ketemiz» deıdi. Qazirgi jaǵdaıda burynǵy ýaqyt beldeýimen qarasaq tańerteń qarańǵyda balalardy mektepke aparyp, qarańǵyda alyp keter erdińiz. Meniń aıtyp otyrǵanym, ýaqyt beldeýine úırený kerek. Ekinshi jaǵynan, turǵyndardyń oı-pikirin tıisti organdarǵa jetkizdik», – dedi ol.

Kósherbaev aımaq turǵyndarynyń jańa ýaqyt beldeýine beıimdelýin jeńildetý úshin jumys ýaqytyn ózgertý máselesi qaralyp jatqanyn aıtty.

«Sonyń ishinde aýrýhana, dúkender, mektepterdiń, saǵat saıyn júretin qoǵamdyq kólikterdiń kestesin qaıta qaraý arqyly jańa ýaqyt beldeýine úıretýdi qarastyryp jatyrmyz», – dep qosty ákim.

Ermek Kósherbaev jumys ýaqytyn ózgertý máselesi áli de halyqpen talqylanatynyn jetkizdi.