جاڭالىقتار
شقو-نى قازاقستاننان ءبولىپ, بولەك مەملەكەت قۇرعىسى كەلگەن ەكى سەپاراتيست 5 جىلعا قامالدى
وسكەمەن قالاسىنىڭ ەكى تۇرعىنى سەپاراتيستىك ارەكەتتەردى ناسيحاتتاعانى ءۇشىن 5 جىلعا باس بوستاندىعىنان ايىرىلدى,-دەپ حابارلايدى Qandastar.kz
شقو پروكۋراتۋراسى ءباسپاسوز قىزمەتىنىڭ مالىمەتىنە سۇيەنسەك, ەكى ازامات ۇلتتىق جانە الەۋمەتتىك ارازدىقتى قوزدىراتىن جاريالانىمدار جاساپ, ۇگىت-ناسيحات جۇرگىزگەن.
«تەرگەۋ بارىسىندا ولاردىڭ 2024 جىلدىڭ اقپان ايىندا ينتەرنەت-رەسۋرستاردى (چات-رۋلەتكا) پايدالانىپ, شىعىس قازاقستان وبلىسىن قازاقستان رەسپۋبليكاسىنان ءبولۋ ماقساتىندا رەفەرەندۋم وتكىزۋ قاجەتتىگى تۋرالى ويىن بىلدىرگەنى بەلگىلى بولدى. رەفەرەندۋمدا وڭ ناتيجەگە قول جەتپەگەن جاعدايدا وبلىستى كۇشتەپ باسىپ الۋ قاجەتتىگىن ناسيحاتتاعان», — دەپ حابارلادى ۆەدومستۆودان.
وسكەمەن قالالىق № 2 سوتىندا قارالعان سوت ىسىندە ايىپتالۋشىلار ءوز كىنالارىن تولىق مويىنداپ, وكىنەتىنىن جەتكىزدى.
«سوت ۇكىمىمەن سوتتالۋشىلار 5 جىلعا باس بوستاندىعىنان ايىرىلدى. سوت ۇكىمى زاڭدى كۇشىنە ەندى. مەملەكەتتىڭ قاۋىپسىزدىگى مەن تۇتاستىعىن قامتاماسىز ەتۋ ماسەلەلەرى قۇقىق قورعاۋ جانە ارنايى ورگانداردىڭ ەرەكشە باقىلاۋىندا» دەلىنگەن حابارلامادا.
