Jańalyqtar
ShQO-ny Qazaqstannan bólip, bólek memleket qurǵysy kelgen eki separatıst 5 jylǵa qamaldy
![](https://qandastar.kz/wp-content/uploads/2024/06/IMG_5239-2-649x405.jpeg)
О́skemen qalasynyń eki turǵyny separatıstik áreketterdi nasıhattaǵany úshin 5 jylǵa bas bostandyǵynan aıyryldy,-dep habarlaıdy Qandastar.kz
ShQO prokýratýrasy baspasóz qyzmetiniń málimetine súıensek, eki azamat ulttyq jáne áleýmettik arazdyqty qozdyratyn jarııalanymdar jasap, úgit-nasıhat júrgizgen.
«Tergeý barysynda olardyń 2024 jyldyń aqpan aıynda ınternet-resýrstardy (chat-rýletka) paıdalanyp, Shyǵys Qazaqstan oblysyn Qazaqstan Respýblıkasynan bólý maqsatynda referendým ótkizý qajettigi týraly oıyn bildirgeni belgili boldy. Referendýmda oń nátıjege qol jetpegen jaǵdaıda oblysty kúshtep basyp alý qajettigin nasıhattaǵan», — dep habarlady vedomstvodan.
О́skemen qalalyq № 2 sotynda qaralǵan sot isinde aıyptalýshylar óz kinálaryn tolyq moıyndap, ókinetinin jetkizdi.
«Sot úkimimen sottalýshylar 5 jylǵa bas bostandyǵynan aıyryldy. Sot úkimi zańdy kúshine endi. Memlekettiń qaýipsizdigi men tutastyǵyn qamtamasyz etý máseleleri quqyq qorǵaý jáne arnaıy organdardyń erekshe baqylaýynda» delingen habarlamada.