ShQO-nyń taǵy tórt aýdany «óz ýaqyt beldeýine» kóshti

Oblys ákimdigi aqparatyna súıensek, endi Tarbaǵataı, Zaısan, Kúrshim jáne Samar aýdandarynyń turǵyndary jumysty tańǵy 08:00-de bastap, 17:30-da aıaqtaıdy. Túski úzilis 12:00-den 13:30-ǵa deıin belgilengen.

«Bul jańashyldyq óńirdiń tabıǵı erekshelikterimen – erte tań atyp, kúnniń erte batýymen baılanysty. Jańa keste turǵyndarǵa kúndizgi jaryqty tıimdi paıdalaný múmkindigin beredi. О́zgerister mektepterge, balabaqshalarǵa jáne medıınalyq mekemelerge áser etpeıdi, sebebi olar buǵan deıin osy keste boıynsha jumys istep kelgen»,- delingen aqparatta.

Zakon.kz jazǵandaı, Zaısan aýdanynyń ákimi Aelıta Ahmetsəlimqyzy bul sheshim jergilikti turǵyndardyń pikiri eskerile otyryp qabyldanǵanyn atap ótti.

«Bul sheshimdi qabyldamas buryn, biz ár aýyldyq okrýgte jınalystar ótkizdik, turǵyndar bul bastamany qoldady. Sebebi, Zaısan aýdany Shyǵys Qazaqstan oblysynyń shyǵys shekarasyna eń jaqyn ornalasqan, sondyqtan bizde kún erte shyǵady, ıaǵnı jaryq kún de erte bastalady. Sol sebepti, jumys kúniniń 08:00-de bastalyp, 17:30-da aıaqtalǵany halyq úshin áldeqaıda qolaıly – jumystan keıin úı sharýasyna, balalarǵa jáne jaqyndaryna kóbirek ýaqyt qalady», – dedi Zaısan aýdanynyń ákimi Aelıta Ahmetsəlimqyzy.