شقو تۇرعىنى جەلىدە جۇلدىز بولامىن دەپ الاياققا جەم بولدى

فوتو: Halyq Uni

شىعىس قازاقستان وبلىسىنىڭ تۇرعىنى الەۋمەتتىك جەلىدە وقىرماندار سانىن كوبەيتەمىن دەپ اقشاسىنان قاعىلدى, دەپ حابارلايدى Halyq Uni.

Polisia.kz مالىمەتىنشە, جەلى جۇلدىزى بولامىن دەپ الاياقتىڭ ارباۋىنا تۇسكەن 32 جاستاعى تۇرعىن ءوز اككاۋنتىن تانىمال ەتۋ ءارى اككاۋنتتاعى جازىلۋشىلار سانىن كوبەيتۋ ءۇشىن حابارلاندىرۋ بويىنشا جۇگىنگەن. مامان قىزمەتى ءۇشىن 100 مىڭ تەڭگەدەن استام قاراجات العان. الايدا فولوۆەرلەر سانى كوبەيمەگەن, ال ءوزى جوعالىپ كەتكەن.

ءتارتىپ ساقشىلارى كۇدىكتىنى كورشى وبلىستىڭ 19 جاستاعى تۇرعىنى ەكەنىن انىقتاعان. ول بۇل ارەكەتىن مويىندادى. الاياقتىق فاكتىسى بويىنشا سوتقا دەيىنگى تەرگەۋ باستالدى, – دەلىنگەن اقپاراتتا.

سونىمەن قاتار پوليتسيا قىزمەتكەرلەرى بارلىق ازاماتتى قىراعى بولۋعا, ەشكىمگە, ەشبىر جاعدايدا قولما-قول اقشا بەرمەۋگە, بەلگىسىز قوسىمشالاردى ورناتپاۋعا جانە كۇماندى سىلتەمەلەر بويىنشا وتپەۋگە كەڭەس بەرەدى.