ShQO turǵyny jelide juldyz bolamyn dep alaıaqqa jem boldy

foto: Halyq Uni

Shyǵys Qazaqstan oblysynyń turǵyny áleýmettik jelide oqyrmandar sanyn kóbeıtemin dep aqshasynan qaǵyldy, dep habarlaıdy Halyq Uni.

Polisia.kz málimetinshe, jeli juldyzy bolamyn dep alaıaqtyń arbaýyna túsken 32 jastaǵy turǵyn óz akkaýntyn tanymal etý ári akkaýnttaǵy jazylýshylar sanyn kóbeıtý úshin habarlandyrý boıynsha júgingen. Maman qyzmeti úshin 100 myń teńgeden astam qarajat alǵan. Alaıda foloverler sany kóbeımegen, al ózi joǵalyp ketken.

Tártip saqshylary kúdiktini kórshi oblystyń 19 jastaǵy turǵyny ekenin anyqtaǵan. Ol bul áreketin moıyndady. Alaıaqtyq faktisi boıynsha sotqa deıingi tergeý bastaldy, – delingen aqparatta.

Sonymen qatar polıııa qyzmetkerleri barlyq azamatty qyraǵy bolýǵa, eshkimge, eshbir jaǵdaıda qolma-qol aqsha bermeýge, belgisiz qosymshalardy ornatpaýǵa jáne kúmándi siltemeler boıynsha ótpeýge keńes beredi.