«شوكەەۆ قۇرمەتتى ازامات اتاعىنا لايىق ەمەس» – ايگۇل ورىنبەك

فوتو: اشىق دەرەككوز

قوعام بەلسەندىسى, زاڭگەر ايگۇل ورىنبەك Adal Adam youtube ارناسىنا بەرگەن سۇحباتىندا ومىرزاق شوكەەۆتى تۇركىستان وبلىسىنىڭ قۇرمەتتى ازاماتى اتاعىنا لايىق ەمەستىگىن ايتتى, – دەپ جازادى qandastar.kz

«مەن پرەزيدەنتكە جالعان اقپارات بەرگەن ادامدى ۇناتپايمىن. شوكەەۆتىڭ كەزىندە ماقتاارالدى سۋ باستى, ارىستا جارىلىس بولدى. ارىستىڭ ۇيلەرىنىڭ قۇرىلىسى 100 پايىز بىتكەن. ماقتاارالدا حالىقتىڭ ءبارى كوشىرىلگەن, جاعداي جاسالعان دەپ جالعان اقپارات بەرىپ وتىردى. ال مەن سول جاعداي تۋرالى اقپاراتتى دۇرىس بەرگەنىم ءۇشىن ءوزىمدى قۋدالادى. ماعان حالىق كەلىپ جاتىر ءۇيىمىز جاسالماي جاتىر دەپ. سەكسەندەگى انا قاقاعان سۋىقتا ۇيىنە كىرە الماي جەرتولەدە وتىر. اۋىلداردا ۇيلەرى بىتپەك تۇگىلى فۋندامەنتى قۇيىلماعان ۇيلەر بولدى. سولاردى كورىپ وتىرىپ, اشىنىپ ايتاسىڭ, ال ساعان ۇيىڭە پوليتسيا كەلەدى, كىم جىبەردى, شوكەەۆ جىبەردى, اۋزىڭدى داپ دەيدى. مەن نەگە اۋزىمدى جابامىن?! وسىدان كەيىن قالاي ول قۇرمەتتى ازامات اتاعى بەرۋگە لايىق دەپ ايتا الامىن», – دەدى قوعام بەلسەندىسى.

ايگۇل ورىنبەكتىڭ ايتۋىنشا, «تۇركىستان وبلىستىق ءماسليحات دەپۋتاتتارىنا شوكەەۆكە نە ءۇشىن, قانداي قىزمەتى ءۇشىن قۇرمەتتى ازامات اتاعىن بەردىڭىزدەر دەپ سۇراق قويۋىمىز كەرەك».