جاڭالىقتار
«شوكولادپەن قاپتالعان قۇلپىنايدى» جالعان جارنامالاعاندار سوتتالدى
شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىندا شوكولادپەن قاپتالعان قۇلپىناي ساتامىن دەپ الداعان تۇرعىندارعا قاتىستى قىلمىستىق ءىس قارالدى, دەپ حابارلايدى Qandastar.kz اقپارات پورتالى.
بىرنەشە تۇرعىن 2025 جىلدىڭ 8 ناۋرىزدا «تيكتوك» الەۋمەتتىك جەلىسىندە «شوكولادپەن قاپتالعان قۇلپىناي» ساتىلاتىنى تۋرالى جالعان جارناما جاساعان. ناتيجەسىندە, 13 جابىرلەنۋشىنى الداپ, ولاردىڭ اقشاسىن الاياقتىق جولىمەن يەمدەنىپ, ونى ءوزارا ءبولىسىپ, ءوز پايداسىنا جاراتقان.
پروكۋرور سوتتالۋشىلارعا باس بوستاندىعىن شەكتەۋ جازاسىن تاعايىنداۋدى سۇرادى.
جابىرلەنۋشىلەر كەشىرىم بەرگەن.سوتتالۋشىلار كىناسىن مويىنداپ, جەڭىل جازا تاعايىنداۋدى سۇرادى.
ناتيجەسىندە, سوت قك-ءنىڭ 190-بابى 3-بولىگىنىڭ 3-تارماعىمەن كىنالى دەپ تانىپ, ارقايسىسىنا 3 جىل 6 ايعا باس بوستاندىعىن شەكتەۋ جازاسىن تاعايىندادى.
ۇكىم زاڭدى كۇشىنە ەنبەدى.
