«Shokoladpen qaptalǵan qulpynaıdy» jalǵan jarnamalaǵandar sottaldy

Shymkent qalasynyń qylmystyq ister jónindegi aýdanaralyq sotynda shokoladpen qaptalǵan qulpynaı satamyn dep aldaǵan turǵyndarǵa qatysty qylmystyq is qaraldy, dep habarlaıdy Qandastar.kz aqparat portaly.

Birneshe turǵyn 2025 jyldyń 8 naýryzda «TıkTok» áleýmettik jelisinde «Shokoladpen qaptalǵan qulpynaı» satylatyny týraly jalǵan jarnama jasaǵan. Nátıjesinde, 13 jábirlenýshini aldap, olardyń aqshasyn alaıaqtyq jolymen ıemdenip, ony ózara bólisip, óz paıdasyna jaratqan.

Prokýror sottalýshylarǵa bas bostandyǵyn shekteý jazasyn taǵaıyndaýdy surady.

Jábirlenýshiler keshirim bergen.Sottalýshylar kinásin moıyndap, jeńil jaza taǵaıyndaýdy surady.

Nátıjesinde, sot QK-niń 190-baby 3-bóliginiń 3-tarmaǵymen kináli dep tanyp, árqaısysyna 3 jyl 6 aıǵa  bas bostandyǵyn shekteý jazasyn  taǵaıyndady.

Úkim zańdy kúshine enbedi.