شۋ قالاسىندا كوپقاباتتى ءۇي ورتەندى

فوتو:112

بۇل تۋرالى قر توتەنشە جاعدايلار مينيسترلىگى مالىمدەدى, دەپ جازدى qandastar.kz

 «العاشقى ءورت ءسوندىرۋ بولىمشەلەرى حابارلاما تۇسكەن ساتتەن كەيىن 4 مينۋتتان شاقىرۋ ورنىنا جەتتى. ءورت سوندىرۋشىلەر كەلگەن كەزدە ءورت ءۇيدىڭ شاتىرىنا تارالىپ كەتكەن ەدى. كەش حابارلانعاندىقتان, ءورت ۇلكەن اۋماقتى قامتىدى.قىزمەتكەرلەر ءورتتى سوندىرۋگە كىرىستى جانە سونىمەن بىرگە تۇرعىنداردى ەۆاكۋاتسيالادى. بارلىعى 180 ادام ەۆاكۋاتسيالاندى. سونداي-اق 4 گاز باللونى دالاعا شىعارىلدى. ءورت ورنىندا ۇزدىكسىز سۋ بەرۋ ۇيىمداستىرىلدى. وقيعا ورنىنان 1 شاقىرىم قاشىقتىقتا مەكتەپ بازاسىندا ەۆاكۋاتسيالاۋ پۋنكتى اشىلدى.قابىلدانعان شارالاردىڭ ارقاسىندا وتتىڭ بەسىنشى قاباتتا ورنالاسقان پاتەرلەرگە تارالۋىنا جول بەرمەي, ءورت الدىن الا 750 ش. م. الاڭدا ءسوندىرىلدى», – دەلىنگەن وڭىرلىك تجد حابارلاماسىندا.

ءورت سالدارىنان زارداپ شەككەندەر جوق. قازىرگى تاڭدا ءورتتىڭ شىعۋ سەبەبى مەن كەلتىرىلگەن شىعىن كولەمى  انىقتالۋدا.