شۋ قالاسىنداعى اۋرۋحانانىڭ جەرتولەسىندە جۇكتى ايەلدىڭ ءمايىتى تابىلدى

فوتو: اشىق دەرەككوز

شۋ قالاسىندا دارىگەرلەر جۇكتى ايەلدىڭ ءولىمىن جاسىرعان, دەپ حابارلادى qandastar.kz Todayinfo.kz  ينستاگرام اككاۋنتىنا سىلتەمە جاساپ.

اياعى اۋىر كەلىنشەك 5-ءشى ناۋرىز كۇنى, جۇكتىلىكتىڭ 34-ءشى اپتاسىندا تۇسىك قاۋپى بولىپ, شۋ قالاسىنداعى كوپسالالى اۋرۋحاناعا كەلگەن.

9-شى ناۋرىز كەشكە جاعدايى كۇرت ناشارلاپ, كوماعا تۇسكەن. ال 10-شى ناۋرىز كۇنى دارىگەرلەر وتا جاساپ, ىشتەگى ءولى تۋىلعان نارەستەنى العان.

سودان بەرى كەلىنشەك جان ساقتاۋ بولىمىندە بولعان. 2 كۇن وتكەننەن كەيىن, ەسىن جيماستان قايتىس بولعان.

پوليتسياعا جانە وبلىستىق دەنساۋلىق ساقتاۋ مەكەمەسىنە ەشقانداي رەسمي مالىمدەمە جىبەرمەگەن.

قاجىعان كۇيەۋى ايەلىن جان ساقتاۋ بولىمىنەن جانۇشىرا ىزدەيدى.

اۋرۋحانانىڭ ءار ەسىگىن اشىپ, ولىكسە ءيىس شىققان جاققا بارىپ, ايەلىنىڭ ىسىنگەن دەنەسىن اۋرۋحانانىڭ تەحنيكالىق جەرتولەسىنەن تابادى.

ەڭ سوراقىسى, دارىگەرلەر دەنەنى مايىتحاناعا تاپسىرۋدى ويلاماعان دا.