جاڭالىقتار
شۇعىل! قىمبات دوسجان جانىبەكتىڭ اناسى بولۋى مۇمكىن ايەلدىڭ اتى-ءجونىن جاريالادى
فوتو: @kymbatdoszhan
بۇل تۋرالى جۋرناليست قىمبات دوسجان الەۋمەتتىك جەلىدەگى پاراقشاسىندا جازدى, دەپ حابارلايدى inbusiness.kz سايتى.
ول ارقالىق جانە اتباسار قالاسىنىڭ حالقىنىنان كومەك سۇراپ, باتتالوۆا جاننا بەكەنوۆا ەسىمدى تۇرعىنعا ارقالىق قالالىق پوليتسيا باسقارماسى مەن «بارمىسىڭ, باۋىرىم» حابارىنىڭ رەداكتسياسى ىزدەۋ جاريالاعانىن ايتتى.
ارحيۆتەن تابىلعان جانىبەكتىڭ اناسى بولۋى مۇمكىن ازاماتشانىڭ قولحاتىن كورسەتتى.
«ارحيۆتىك قۇجاتتارعا سۇيەنسەك, جاننا باتتالوۆا 2002 جىلعى 12 قاڭتار كۇنى تاڭعى 9 ساعات 10 مينۋتتا ارقالىق پەرزەنتحاناسىندا سالماعى 2 750 گر بويى 53 سم ۇل بالانى دۇنيەگە اكەلگەن. جاننا باتتالوۆانىڭ جاسى 19-دا بولعان, دەمەك ول 1983 جىلعى بولۋى مۇمكىن. تۋعان جەرى اتباسار, مەكەنجايى: پوبەدا كوشەسى 8-2. جاننا باتتالوۆا ارقالىق كووپەراتيۆتىك تەحنيكۋمىندا نەمەسە پەداگوگيكالىق ۋچيليششەسىندە 2001-2002 جىلدارى وقىعان بولۋى مۇمكىن. جاننا باتتالوۆانىڭ ەرەكشە بەلگىسى – ءبىر كوزى قىلي (سحودياششەە كوسوگلازيە) دەپ جازىلعان. جاننا باتتالوۆا ومىرگە اكەلگەن نارەستە – دانياردى 2006 جىلى امەريكالىق وتباسى اسىراپ العان. جاننا باتتالوۆانىڭ ارقالىق پەرزەنتحاناسىندا سول ۋاقىتتا باس دارىگەر لاۋازىمىن اتقارعان مولداشەۆا ۋميت مۋكانوۆنانىڭ اتىنا جازعان قولحاتىن دا جاريالاپ وتىرمىز. ەگەر بۇل قولحات جاننا باتتالوۆانىڭ ءوز قولىمەن جازىلسا, جازۋى مارجانداي, ساباق ۇلگەرىمى جاقسى, ساۋاتتى ستۋدەنت (وقۋشى) بولعان سياقتى. نەگىزگى سۇراق. ءبىز نەگە جاننا باتتالوۆانى ىزدەپ وتىرمىز? جاۋابى: تابىلعان مالىمەتتەر اراسىندا دانياردىڭ فوتوسى بار. ەستەرىڭىزگە سالساق, جانىبەكتىڭ قۇجاتىندا اناسى دەپ جازىلعان «جازيرا» بىلتىر جەلتوقساندا تابىلدى. ول ايەل 2002 جىلدىڭ قاڭتارىندا پەرزەنتحاناعا قۇجاتسىز, جەدەل جاردەممەن بارىپ, بوسانىپ, بالانىڭ ەسىمىن «جانىبەك» دەپ قويىپ, 4 كۇننەن كەيىن دارىگەرلەرگە اتى-ءجونىن وتىرىك ايتىپ, قولحات جازىپ, پەرزەنتحانادان كەتىپ, سول كۇيى ورالماعان, ونى ءوزى مويىنداپ وتىر. بىراق جانىبەك پەن «جازيرانىڭ» دنق اناليز ناتيجەسى 0% بولىپ شىقتى. دانياردىڭ فوتوسىنان بايقاعانىمىز, بالا «جازيراعا» ۇقسايدى. قازىرگى كۇدىك, «جازيرا» مەن جاننانىڭ ۇلدارى اۋىسىپ كەتۋى مۇمكىن. ويتكەنى تەرگەۋشىلەردىڭ زەرتتەۋ ناتيجەسى بويىنشا, دانيار مەن جانىبەكتىڭ اراسى 5 كۇن. ەكى بالاعا دا ءبىر كۇندە تۋ تۋرالى كۋالىك الىنىپ, ەكەۋى دە ءبىر كۇندە بالالار ۇيىنە وتكىزىلگەن», – دەپ جازدى قىمبات دوسجان.
