“Shúkir! Shyǵar bıigine abyroımen kele jatyr”. Dımash Qudaıbergenniń anasy uly jaıly áserli jazba jarııalady

Jýyrda elimizdiń maqtanyshy, belgili ánshi Dımash Qudaıbergenge Qyrǵyzstannyń Halyq ártisi ataǵy berildi. Qýanyshty jańalyqty súıinshilegen óner ıesiniń anasy Svetlana Aıtbaeva jelide ulyna arnap áserli jazba qaldyrdy, dep jazdy Qandastar.kz

“Dımashtyń «Meıkın Azııa» baıqaýyna barǵan kezi áli esimde. “Ystyqkóldiń aýa-raıyna úırensin, joldan sharshaǵany basylyp , kúsh jınap , demalsyn” dep bir apta buryn úsh balany aly , Cholpon ataǵa kelip aldyq. Ystyqkóldiń sýyna shomylyp, dámi baldaı almasyn jep , sulý tabıǵatynyń aıasynda keremet demaldyq. Dımashty qoldap bizben birge sol kezdegi “Azııa daýysy” festıvaliniń prodıýsserleri Murat Irgalıev pen Aleksandr Ponomarıov te kelgen edi. (О́kinishke oraı ekeýi de pandemııa kezinde qaıtys bolyp ketti.) Sol baıqaýda Dımash jeńiske jetti, qyrǵyz eliniń osy bir júldesi bar jeńistiń bastaýy boldy. Sodan beri 12 jyl ótipti…

On eki jyldyń ishinde shúkir, el qajetine jarap, shyǵar bıigine abyroımen kele jatyr. Alla tek ǵumyr bergeı deımin. Birneshe memleketterde jeke konertterin berdi, ózi qadir tutatyn dears tyńdarmandary  bar. Týǵan eliniń qurmetine bólenip ‘Qazaqstannyń Halyq ártisi’ atandy. Búgin, mine , qyrǵyz eliniń qoshemetine bólenip , «Qyrǵyz respýblıkasynyń Halyq Ártisi» atanyp jatyr! 

Qashan da bir-biriniń jaqsylyǵyna qýanyp, qınalǵanda qoldaı bilgen , “qyrǵyz-qazaq bir týǵan” dep, báıgege túsken júıriginiń tileýin birge tilegen , arasy ajyramaǵan aǵaıyn edik, búgingi marapattyń maǵynasy da eki eldiń dostyǵynyń, birliginiń beınesin aıqyndaı tústi dep sanaımyn. Qyrǵyz halqyna, memleket basshysy Sadyr Japarov myrzaǵa, qashan da mádenıet pen ónerdiń, rýhanııattyń janashyry bolyp júretin Sultan Raev aǵamyzǵa, «Meıkın Azııa» baıqaýynyń uıymdastyrý tobyna, barsha tilektes bolǵan aǵaıynǵa zor qurmetimdi bildiremin! Barshańyzǵa urpaqtaryńyzdyń qyzyq-qýanyshyna bólene berińizder deımin!“,- dep jazdy Svetlana Aıtbaeva.