«Shujyq ehynyń jeldetkishiniń toǵy ashyq jatqan»: Qyzylordada 11 jasar ulynan aıyrylǵan ana oqıǵaǵa kinálilerdi jazalaýdy surady

Foto baǵdarlama kadrlarynan skrın

Qyzylordada toqqa túsip kóz jumǵan 11 jasar Danııar Rýstamulynyń otbasy ádildikti talap etip otyr. Aıtýlarynsha, qazaǵa jeldetkish toqtaryn ashyq qaldyrǵan kásipkerler kináli. Oqıǵa kúni Danııar dosymen oınap júrip jasyrynbaq bolyp, shujyq ehynyń buryshyna barǵan. Keıin ol jerden aǵasy ony es-tússiz kúıde tapty. Bul týraly Stan.kz aqparat agenttigi «Kóremiz» baǵdarlamasyna silteme jasap habarlaıdy. 

Marqumnyń anasy Janar Láppaeva oqıǵanyń qalaı bolǵanyn baıandap berdi. Oqıǵa 19 tamyz kúni keshki saǵat 21:00 shamasynda bolǵan.

«Ulym dosymen úıge oıynnan oraldy. Tamaq iship alyp, «mama dosymdy shyǵaryp salaıyn, qaıtyp kelemin» dep shyǵyp ketti. Kishkentaı bópemdi besikke shaıqap jatqanymda úlken ulym habarlasyp, «kósheniń basyna qaraı shyǵyńyzshy, Danııar es-tússiz jatyr» dedi. Sóıtsek ol dosymen oınap bir-birin qýalap júgirgen. Balalar oınap júrip dosy ketip bara jatqanda Danııar bir qýysqa tyǵylamyn dep sol toqtyń janyna barǵan. Negizi qulap bara jatyp jeldetkishtiń toǵyn ustap qalýy múmkin. Onyń toqqa túskenin eshkim bilmegen. Aǵasy balamdy ıyǵyna salyp úı jaqqa deıin kóterip kelgen. Sol kezde ol qusypty. Sosyn dosy kómektesip jatqanda balam kishi dáretin jiberip qoıypty. Sol kezde qoryldady deıdi. Joldyń jıegine qoıyp qoıǵan. Basy burylyp jaty», – dedi Janar.

Janar habardy estı sala birden kóshege shyqqan.

«Júgirip kelsem dál sol jerde balam es-tússiz jatyr. Danııar dep betin ursam, qozǵalmaıdy. Bir janynan jatyr. Jedel-járdem shaqyryp, habarlasyp, kómek surap edim, «brıgada bos emes, bosaǵan kezde barady» dedi. Keıin ótip bara jatqan bir áıel balany ustap kórip, «pýlsy tómen, júrek soǵysy álsirep barady, kómekteseıik» dedi. Sóıtip kóligine balamdy otyrǵyzdy. Sóıtip ony balalar aýrýhanasyna alyp kettik. Aýrýhanada ony birden ishke alyp ketti. Esikterinen qarap edim, toqpen júregin uryp jatyr eken. Keıin birden jan saqtaý bólimine jatqyzdy. Sodan 5 kún jatty. 5 kúnnen keıin kóz jumdy», – dep qosty anasy.

Danııardyń oınap júrgenin aǵasy kórgen, kesh bolǵasyn inisin alyp qaıtý úshin olardyń arttarynan júrgen eken. Alaıda keıin qýystan es-tússiz jatqan inisin alyp shyqqan.

«Balanyń ishindegi eń bir aqyldysy edi. Ol erekshe bala boldy. Jasym 75-te, aıaǵym aýyryp tura almaı jatsam, júgirip ózi turǵyzyp jiberetin. Bir nárseni suraýsyz almaıtyn. Árqashan birinshi «áje alýǵa bola mA» dep suraıtyn. 1,5 keli bolyp týylǵan bala edi», – dedi ájesi.

Danııar 8-mektep ınternatynyń 4-synybyna aıaq basýy kerek bolǵan. Alaıda oqý jylyna 10 kún qalǵanda toqqa túsip kóz jumdy. Ustazynyń aıtýynsha ol munda 1-synyptan beri oqıdy. Ol dostarymen tez til tabysatyn, baýyrmal, sabaqtan sebepsiz qalmaıtyn, bilimi ortasha deńgeıdegi oqýshy bolǵan.

Jekemenshik mekeme jeldetkishtiń toǵyna oqıǵadan keıin arada 10-15 kúnnen keıin ǵana qorshaý salǵan.

“Balanyń sol qolynda, sol alaqanynda kúıik jaraqattarynyń izderi bolýyna baılanysty eletrojaraqat degen dıagnoz qoıyldy. Oǵan reanımaııalyq is-sharalar 5 kún boıy júrgizilgennnen keıin 24 kúni keshki saǵat 18:00-de júreginiń toqtaýy baıqalyp, bala kóz jumdy. Alǵash kelgen kezde ol klınıkalyq ólimmen kelgen. Koma jaǵdaıynda es-tússiz, tynys almady. Dárigerler kómeginen keıin ǵana júregi qaıta soǵyp balany dereý jan saqtaý bólimine aparyp apparatqa qostyq”, – dedi Qyzylorda qalasynyń balalar aýrýhanasy.

Ashyq turǵan elektr kózi shujyq ónimderin daıarlaıtyn ehqa tıesili. eh basshysy Vastılıı Lýgaı esimdi azamat. Ol – Qyzylordadaǵy iri kásipkerlerdiń biri. Qol astyndaǵy qyzmetkerleriniń aıtýynsha, ol ehtan basqa meıramhana isin de júrgizedi. Alaıda eh basshysy óziniń bul ǵımaratty tek jalǵa alyp otyrǵanyn aıtty.

“Jeldetkish ǵımarattyń ishki jaǵynda ornalasqan jáne bul jeke menshik mekeme. Qaladaǵylardy kórseńiz, eshbir jeldetkish qoıylǵan jerler qorshalmaıdy. Odan keıin nege bul suraqty maǵan qoıyp otyrsyzdar? Bul ǵımarat ta, jeldetkish te meniki emes, men tek jalǵa alýshymyn”, – dedi ol.

Tótenshe jaǵdaılar departamenti qujattar zerdelengennen keıin baryp adam ólimine qatysty iske baılanysty tekseris júrgiziletinin aıtty.

Al marqumnyń anasy ulynyń ólimine kinálilerdiń jaýapkershilikke tartylýyn talap etip jatyr.