شىدامىمىز ءبىتتى! — ترامپ سۇمدىق تاپسىرما بەردى

اقش پرەزيدەنتى دونالد ترامپ 1963 جىلى جابىلعان كاليفورنياداعى “الكاتراس” تۇرمەسىن قايتا اشۋ تۋرالى بۇيرىق بەردى, دەپ حابارلايدى qandastar.kz سايتى.

ترامپتىڭ ايتۋىنشا, ول تۇرمەنى قايتا اشۋ جونىندە اقش تۇرمەلەر بيۋروسىنا, ادىلەت مينيسترلىگىنە, ىشكى قاۋىپسىزدىك مينيسترلىگىنە جانە فبر-عا تاپسىرما بەرگەن.

پرەزيدەنتتىڭ ايتۋىنشا, اقش بۇدان بىلاي ء“وز جۇمىسىن ورىنداۋدان قورقاتىن, ەلگە زاڭسىز كەلگەن قىلمىسكەرلەردى ەلدەن شىعارۋعا مۇمكىندىك بەرمەيتىن سۋديالاردىڭ تۇتقىنىندا بولا المايدى”.

ونىڭ پىكىرىنشە, تۇرمەنىڭ قايتا اشىلۋى — “زاڭنىڭ, ءتارتىپتىڭ جانە ادىلدىكتىڭ سيمۆولىنا” اينالادى.

ء“بىز ەندى كوشەلەرىمىزدە ز ۇلىمدىق, قان توگىس پەن ب ۇلىك تاراتاتىن قىلمىسكەرلەردى, سەريالىق قىلمىسكەرلەردى توزە المايمىز. سوندىقتان بۇگىن مەن اقش تۇرمەلەر بيۋروسىنا, ادىلەت مينيسترلىگىنە, فبر مەن ىشكى قاۋىپسىزدىك مينيسترلىگىنە بىرلەسە وتىرىپ, ەڭ قاتىگەز ءارى مەيىرىمسىز قىلمىسكەرلەردى ۇستاۋعا ارنالعان كەڭەيتىلگەن ءارى قايتا سالىنعان “الكاتراس” تۇرمەسىن اشۋدى تاپسىرامىن. ءبىز ەندى قىلمىسكەرلەردىڭ, بانديتتەردىڭ جانە ءوز جۇمىسىن اتقارۋعا قورقاتىن سۋديالاردىڭ تۇتقىنىندا بولا المايمىز. الكاتراستىڭ قايتا اشىلۋى — زاڭنىڭ, ءتارتىپتىڭ جانە ادىلدىكتىڭ سيمۆولىنا اينالادى”, — دەپ جازدى اقش پرەزيدەنتى Truth Social پلاتفورماسىندا.

قاتاڭ رەجيمدەگى بۇرىنعى فەدەرالدى تۇرمە — “الكاتراس” سان-فرانتسيسكو شىعاناعىنداعى ارالدا ورنالاسقان. ول ەسكى فورتتىڭ ورنىنا 1912 جىلى سالىنعان جانە العاشىندا اسكەري تۇرمە رەتىندە قولدانىلعان.

الايدا 1936 جىلى ادىلەت مينيسترلىگىنىڭ قاراماعىنا بەرىلىپ, قايتا جوندەلىپ, قاۋىپسىزدىگى كۇشەيتىلگەن. بۇل تۇرمەگە ەڭ قاۋىپتى قىلمىسكەرلەر قامالعان. مىسالى, اتاقتى گانگستەر ال كاپونە وسى تۇرمەدە وتىرعان.

“الكاتراس” اقش-تاعى ەڭ قاتاڭ تۇرمە سانالعان. بۇرىنعى تۇتقىندار تۇرمە كۇزەتشىلەرىنىڭ قاتالدىعى مەن ادام توزگىسىز جاعدايلار تۋرالى ءجيى ايتاتىن. تۇرمە جۇمىس ىستەگەن جىلدارى “سكالا” اتالىپ كەتكەن بۇل تۇرمەدەن 14 رەت قاشۋعا ارەكەت جاسالعان, بىراق ەشقايسىسى ءساتتى بولماعان.

1963 جىلى تۇرمە جابىلىپ, سودان بەرى تۋريستەر كوپ كەلەتىن مۋزەي رەتىندە جۇمىس ىستەپ كەلگەن.