جاڭالىقتار
شىعىس قازاقستان وبلىسى «ءوز ۋاقىت بەلدەۋىنە كوشتى»
فوتو:gov.kz
شىعىس قازاقستانداعى كاتونقاراعاي اۋدانىنا قاراستى 17 اۋىلدىڭ تۇرعىندارى ءوز ۋاقىت بەلدەۋىنە كوشىپ, جاڭا كەستە بويىنشا جۇمىس ىستەپ جاتىر, دەپ حابارلايدى qandastar.kz
جەرگىلىكتى اكىمدىكتىڭ مالىمەتىنشە, 2025 جىلدىڭ 5 قاڭتارىنان باستاپ قاتونقاراعاي اۋدانىندا بەس كۇندىك جۇمىس اپتاسى ەنگىزىلىپ, جۇمىس ۋاقىتى ساعات 08:00-دەن 17:30-عا دەيىن جالعاسادى. ساعات 12:00-دەن 13:30 تۇسكى ءۇزىلىس ۋاقىتى بولىپ بەلگىلەندى.
قاتونقاراعاي اۋدانى اكىمدىگىنىڭ ىشكى ساياسات ءبولىمىنىڭ باسشىسى گۇلنار جاقسىلىقوۆا وتكەن جىلدىڭ سوڭىندا اۋدانعا جۇمىس توبى كەلىپ, ۋاقىت بەلدەۋى ماسەلەسىن تالقىلاعانىن ايتتى. تۇرعىندارمەن كەزدەسۋ بارىسىندا پيلوتتىق جوبانى ىسكە قوسىپ, جۇمىس كۇنىن ساعات 08:00-دەن باستاۋ تۋرالى شەشىم قابىلداندى.
“قاتونقاراعايدا تاڭ ەرتە اتادى, ءبىز شىعىستامىز, ساعات بەستە جارىق بولىپ تۇرادى. اۋىلدا ادامدار دا ەرتە تۇرادى. سوندىقتان كوپشىلىك بىردەن كەلىستى. اۋدان اكىمىنىڭ وكىمىمەن 5 قاڭتاردان باستاپ تاڭعى سەگىزدەن باستاپ جۇمىس ىستەيمىز”, – دەدى گۇلنار جاقسىلىقوۆا.
اكىمدىكتىڭ مالىمەتىنشە, اۋدانداعى 40 مەكەمەنىڭ بارلىعى جاڭا جۇمىس كەستەسىنە كوشتى. دەگەنمەن كوبىنە بەيىمدەلۋدىڭ دە قاجەتى بولمادى. ويتكەنى مەكتەپتەر, بالاباقشالار مەن اۋرۋحانالار ونسىز دا تاڭعى ساعات 08:00-دەن باستاپ جۇمىس ىستەيتىن كورىنەدى.
“بۇل وتە ىڭعايلى. بۇعان دەيىن بالالاردى ساعات 08:00-دە اپاراتىنبىز, سوسىن 09:00-دە عانا جۇمىسقا كىرىسەتىنبىز. ال قازىر جۇمىسقا بارا جاتقاندا بالانى بالاباقشاعا اپارىپ, ەرتەرەك بوساپ, ۇيگە كەلىپ, ءبىراز شارۋانى ءبىتىرىپ ۇلگەرۋگە بولادى. بۇل بىزگە قولايلى. بۇرىنعى كەستەگە ورالعىمىز كەلمەيدى”, – دەيدى ىشكى ساياسات ءبولىمىنىڭ باسشىسى.
sn.kz جازعانداي, جەرگىلىكتى تۇرعىنداردىڭ بۇل شەشىمىن كاسىپكەرلەر دە قولداعان.
ء“بىز تۋريستىك ايماقپىز, كوپ ادامدار ازىق-ت ۇلىك دۇكەنىنە تاڭنان كەلەدى, ال ءبىز ول كەزدە اشىق بولامىز. بۇل بارلىعىنا ىڭعايلى”, – دەيدى كاسىپ يەلەرى.
رەسمي مالىمەتتەرگە سەنسەك, پيلوتتىق جوبا كاتونقاراعاي اۋدانىنىڭ قابىرعا, بەلقاراعاي, ورنەك, توپقايىڭ, بارلىق, كوروبيحا جانە اقسۋ, ورەل, ارشاتى, بەرەل, جامبىل, قايىڭدى, قىزىل جۇلدىز, اققاينار, ەڭبەك, شىڭعىستاي, جاڭاۇلگى اۋىلدارىندا ەنگىزىلدى.
